T-Huus

Vun Wikipedia
Zur Navigation springen Zur Suche springen
T-Huus in Worsum

Dat T-Huus (hoochdüütsch T-Haus, nedderlandsch T-boerderij) is en Huustyp von Buurnhüüs, de vör allen an’n Nedderrhien in Düütschland un de Nedderlannen vörkummt.

Dat Huus tekent sik dör sien Form as de Bookstaav T ut.

Rebeed[ännern | Bornkood ännern]

Dat T-Huus kummt in Noordrhien-Westfalen in de Region Nedderrhien vör un in de Nedderlannen in de Betuwe, in de Region Maaskant un in dat Daal von de Iessel.

Historie[ännern | Bornkood ännern]

Dat T-Huus hett sik ut dat Hallenhuus billt. Wenn de Wollstand dat verlöven dee, hebbt de Bewahners von dat Hallenhuus för mehr Kumfort den Wahndeel von dat Huus utboot, de in’n Achterdeel leeg. De fruchtboren Kleigrunnen an’n Nedderrhien weren de Grundlaag, dat de Buurn in de Region den Wollstand harrn, üm jemehr Buurnhüüs uttoboon.

In eenfachere Utboformen sünd blots de Butenmüürn en beten höger oder wieder na de Sieden rut tagen worrn. Bi opwännigere Utboformen hett de Wahndeel en egen Fast kregen, de in en 90°-Winkel to de Ass von dat Hallenhuus stünn. Wenn de Fast blots op een Sied anboot worrn is, is dorbi en L-Form rutkamen, wenn dat op beide Sieden daan worrn is, en T-Form. In dat Rebeed von dat T-Huus gifft dat ok en ganze Reeg L-Hüüs. Op Nedderlandsch heet de L-Typ ok krukhuisboerderij.

Nadem de eersten T-Hüüs sik ut ümbote Hallenhüüs billt hebbt, sünd von dat 18. Johrhunnert af an ok Hüüs direkt as T-Huus boot worrn.

De Weertschopsdeel von dat Huus hett sik dorbi gegenöver dat öllere Hallenhuus nich groot verännert.

Weblenken[ännern | Bornkood ännern]

Commons-logo.svg T-Huus. Mehr Biller, Videos oder Audiodateien to’t Thema gifft dat bi Wikimedia Commons.