Swämme
Dit Woort hett noch annere Bedüden: kiek dorför ünner Swammdeerter.
| Swämme; Swämm | ||||
|---|---|---|---|---|
 | ||||
| Systematik | ||||
| ||||
| Wetenschoplich Naam | ||||
| Fungi | ||||
| Linnaeus |
Swämme (lat. Fungi) sünd Leevwesen, de to de Eukaryoten tohören doot. In ehre Zellen gifft dat Mitochondern un en Zellskelett. In de klassische bioloogsche Systematik staht se as en egen Riek blangen de Deerter (Metazoa) un de Planten (Plantae). Fröher sünd se in de wetenschoppliche Biologie as Planten ankeken wurrn. Mank de Swämme gifft dat Mehrzellers, as Schimmels un Stännerswämme man ok Eenzellers, as de Gesten.
Ehre Fruchtliever heet Poggenstöhle. Swämme vermehrt sik geslechtlich un ungeslechtlich dör Sporen, man ok vegetativ dör dat Wassen vun de Swammfadens in de Myzelien, oder wenn se mit de Wuddeln vun annere Planten (in en Symbiose) tohopen gaht.
Man weet hüdigendags vun bi 100.000 Aarden, man dat warrt annahmen, datt dat ok 1.000.000 Aarden geven kann. 2011 is taxeert wurrn, dat kunn ok bi 5 Mio. Aarden vun Swämme geven. Sliemschimmels (Myxomycota) weert hüdigendags nich mehr as Swämme ankeken.
De Wetenschop vun de Swämme heet Mykologie.