Sven Meyer (Ieskunstlöper)
Sven Meyer (* 15. Juli 1977 in Berlin; † 6. Mai 1999 ok dor) weer en düütsch Ieskunstlöper, de in’n Eenzelloop antreeden dee.
Sven Meyer fung mit fief Johren mit Ieskunstloop an. Sien Trainerin weer Viola Striegler un sien langjohrig Choreograph weer de ehmalge Feernsehballettdanser Andreas Düpetell. Meyer is för den TSC Berlin antreeden un höör to de Sport-Fördergrupp vun de Berliner Polizei.
Sven Meyer wurr 1998 vör den favoriseerten Andrejs Vlascenko unverwacht Düütsch Meester in’n Ieskunstloop. Dormit harr he sück ok för de Europameesterschapen un Weltmeesterschapen in dat glieker Johr qualifizeert. Dor keem he denn up den 19. bzw. 23. Platz. In‘n Training harr Meyer all en veerfach Toeloop un en veerfach Salchow stahn.[1]
An‘n 6. Mai 1999 hett Sven Meyer Suizid begahn.[2]
Enkeld Nahwiesen[ännern | Bornkood ännern]
- ↑ Eiskunstlauf-Meister Sven Meyer aus Berlin ist tot. In: Die Welt. 8. Mai 1999, afropen an’n 10. Juni 2015.
- ↑ Tod von Sven Meyer bleibt rätselhaft. In: Berliner Zeitung. 11. Mai 1999, afropen an’n 10. Juni 2015.