Sven-Christian Kindler

Vun Wikipedia
Zur Navigation springen Zur Suche springen
Sven-Christian Kindler (2014)

Sven-Christian Kindler (* 14. Februar 1985 in Hannover) is en düütschen Politiker von Bündnis 90/De Grönen.

Leven[ännern | Bornkood ännern]

Kindler is 1985 in Hannover boren. Na dat Abitur 2004 an de Käthe-Kollwitz-School in Hannover hett he en Dual Studium in Bedrievsweertschopslehr an de Leibniz-Akademie Hannover un bi de Bosch Rexroth Pneumatics GmbH maakt, dat he 2007 mit en Bachelor as Bedrievsweert afslaten hett. Von 2007 bet 2009 hett he in dat Ünnernehmenscontrolling von Bosch Rexroth Pneumatics arbeidt.

Politik[ännern | Bornkood ännern]

Kindler is 2003 Maat von de Gröne Jugend un de Partei Bündnis 90/De Grönen worrn. Von 2006 bet 2007 weer he Schatzmeester in’n Landsvörstand von de Gröne Jugend Neddersassen un von 2007 bet 2009 Spreker von’n Landsvörstand. Tosätzlich weer he von 2006 bet 2009 Maat von’n Parteiraad von de Grönen in Neddersassen un weer Maat von de zentrale Wahlkampfkommission bi de Landdagswahl in Neddersassen 2008. Kindler weer ok in de Verhandlungskommission, de na de Landdagswahl in Neddersassen 2013 för de Grönen den Koalitschoonsverdrag mit de SPD uthannelt hett.

Bi de Bundsdagswahl 2009 weer he in’n Wahlkreis Rodenborg I-Heidkreis Direktkannedaat för de Grönen un hett 7,6 % von de Eerststimmen kregen. Dat hett nich reckt, üm wählt to warrn. He is aver över de Landslist Neddersassen (Platz 6) in’n Bundsdag intagen. Bi de Bundsdagswahl 2013 weer he wedder Direktkannedaat, nu aver in’n Wahlkreis Stadt Hannover II. Dor hett he 10,2 % von de Stimmen kregen. He is denn wedder över de Landslist (Platz 4) in’n Bundsdag intagen.

In’n 17. Bundsdag un 18. Bundsdag weer he ordentlich Maat in’n Huusholtsutschuss un Viez-Maat in’n Finanzutschuss. Siet 2013 is he Spreker von de neddersassische Landsgrupp von de gröne Frakschoon in’n Bundsdag un siet 2014 ok huusholtspolietschen Spreker.

Siet 2010 is Kindler Maat von dat Kuratorium in dat Institut Solidarische Moderne, dat sik as Gegengewicht to’n neoliberalen Politikdiskurs versteiht. Siet 2012 is he Viezpräsident von de Düütsch-Israelsche Sellschop. Kindler is Maat in’n Bund von de Paddsökers; he höört to’n Stamm Nujakin.

Weblenken[ännern | Bornkood ännern]

Commons-logo.svg Sven-Christian Kindler. Mehr Biller, Videos oder Audiodateien to’t Thema gifft dat bi Wikimedia Commons.