Sunni

Disse Artikel is man blots en Stubben. Du kannst Wikipedia helpen un em verbetern.

Andeel muslimsche Glovensgruppen:
Gröön: Sunni; Rood: Schia; Blaag: Ibaditen (Oman)

De Sunni oder Sunniten (araabsch: أهل السنة‎) sind de gröttste Glovensgruppe binnen den Islaam. De Glovensgruppe sülvenst heet Sunnitendom oder Sunnismus. Dat Woord kümt van den araabschen Woord Sunna, wat up Platt „Bruuk, Norm, Trditschoon“ bedüd. De Sunnni seet sik as de Gruppe, de de sunnat an-nabī, de „Sunna van den Propheten“ (Mohammed), folget. Up Araabch seggt een ahl as-sunna oder faken ook lang ahl as-sunna wal-ǧamāʿa („Lüde van de Sunna un de Gemeenschop“). Stellt een de Sunniten den Shiiten gegenœver betekent een de Gruppe ook af un an alleen as-Sunna („de Sunna“). Wat de Normenlere un de Dogmatik anbelangt hebet de Sunni verscheden Scholen. De Frage wat för Scholen to den Sunnitendom tellt, is man een Stridpunkt mang muslimschen Geleerten. De sunnitschen Glovenleren stellt verscheden Glovensbekentnissen vœr, de sik man in den Details verscheelt, all daarna wo de Schriver dogmaatsch uutricht is.

De sunnitschen Sichtwisen hebbet sik sid den Middelölder ruutbild, in dem dat sik de Gruppe nich bloot van Schiiten, man ook den Charidschiten, Qadariten un Murdschi'iten afgrenzt het. De Sunniten versteet sik sülvenst as „de borgen Sekte“ (al-firqa an-nāǧiya) un de Midde mang den Muslimen. Sinds den Ende van den 20. Jaarhunderd givt dat groten Strid twischen den Aschʿariten un den Salafisten, de sik een ander uut den Sunnitendom uutsluut. De Rivaliteet twischen den beden Gruppen kam ook up de Sunnitenkonferenz van Grosya in’n August 2016 ruut: Wo de Sunnitenkonferenz van Grosny de Salafisten, de ander Muslime beschülliget, dat se van den rechten Gloven affallt oder ander Muslime för Heden oder Unglöövsche verklöört, daar mang den IS-Organisatschoon, uut den Sunnitendom uutsluoten het. Nu verklöör de ander twede Sunnitenkonferenz in Kuwait den Salafismus de allenig wahre Sunnitedom.

Sunniten weltwied

Na Tallen vun dat Pew Research Center uut dat Jaar 2009 sünd 87–90 % vun allen Muslimen weltwied Sunniten. Sunniten stellt in den meisten islaamschen Länner de Mehrheid vun de Muslimen. Bi ene Ümfraag vun de Pew Research Center keem 2012 ruut, dat de sunnitsche Identität bi de musliemschen Minschen nich in allen düssen Länner gliek stark uutpräägt is. Bi düsse Ümfraag wurrn Muslimen fraagt, sik in een vun düsse Kategorien intoornen: „sunnietsch“, „schiietsch“ oder „annere“. Wieldess sik in Jordanien, Bangladesch un Afghanistan, Törkie un Ägypten rund 90 % vun de Muslimen as Sunniten bekiekt, weer düsse Andeel in Länner so as Kasachstan (16 %), Usbe kistan (18 %), Mali (20 %), Indonesien (26 %) und Nigeria (38 %), de ook as Länner mit sunnitische Meerheid gellt, düudlich ringer. Vele Muslimen, de in düsse Länner an de Ümfraag deelnemen, wullen sik ene Konfesschoonsgrupp toornen un geven an, dat se alleen Muslimen sünd.

De einzigen Länner, in de Sunniten ook statistisch nich de gröttste muslimsche Grupp sünd, sünd Irak, Iran, Oman, Libanon, Aserbaidschan un Bahrain. In’n Irak höört meist twee Drüddel vun de Lüüd to de Twölver-Schia an, doch givt et ook Regionen so as dat Sunnitisch Dreeeck in de Noordwesten vun dat Land, in de Sunniten de Meerheid stellt. In Iran stellt de Sunniten üm un bi 9 % vun de Lüüd. De meisten Sunniten höört de Volksgruppen vun de Kurden, Belutschen un Turkmenen an un leevt in de noordwestlichen un süüdööstlichen Grenzregionen vun dat Land, dat givt man ook ünner de Perser un Araber Sunniten. In Bahrain sünd rund 75 % schiitisch, doch beherrscht sied dat 18. Jaarhunnerd ene lütte Grupp tribale sunnitische Familien dat Land.

Na Angaav vun REMID leevt in Düütschland rund 2,64 Millionen Sunniten. Na deb Religionsmonitor 2017 vun de Bertelsmann Stiftung, de sik Muslimen befraagt het, liggt de Andeel Sunniten ünner dn Muslimen in Düütschland bi 61 %. Bi 4,4 bet 4,7 Millionen Muslimen in Düütschland allens tohoop, gobt dat ene Tall twüschen 2,684 bet 2,867 Millionen Sunniten.