Suizei

Vun Wikipedia
Zur Navigation springen Zur Suche springen
Suizei up en Druck ut de Meiji-Tiet

Suizei (japaansch: 綏靖天皇}}, Suizei-tennō; * 632 v. Chr.; † 549 v. Chr.) weer nah de old Riekschroniken Kojiki und Nihonshoki de 2. Tennō vun Japan (581 v. Chr.–549 v. Chr.). Sien historsch Existenz is twiefelhaft. He is een vun de „acht undokumenteerten Kaiser“ (japaansch: 欠史八代}}, kesshi hachidai) vun de blots en skizzenhaft Dorstellung bekannt is.

Sien Eegennaam weer Kamu-nuna-kawa-mimi. Anner Lesungen sünd kan statt kamu, as ok kaha statt kawa.</ref> no mikoto (Nihonshoki: japaansch: 神渟名川耳尊|, Kojiki: japaansch: 神沼河耳命|}}). Nah den Nihonshoki weer sien Moder Hime-tatara-isuzu no mikoto (japaansch: 媛蹈鞴五十鈴媛命|) – Dochter vun den Kami Koto-shiro-nushi –, nah den Kojiki Hoto-tatara-isuzuki-hime no mikoto (japaansch: 富登多多良伊須須岐比売命|)[Anm. 1] kört I-suke-yori-hime (japaansch: 伊須気余理比売|) – Dochter vun den Kami Ō-mono-nushi. Mit den Dood vun den eersten Kaiser Jimmu övernehm de sien öldst Söhn Tagishi-mimi no mikoto (Nihonshoki: japaansch: 手研耳命|, Kojiki: japaansch: 多芸志美美命|) wiels de vörschreeven Truertiet de Regeerensgeschäfte – dat Kojiki erwähnt todem, dat de de Kaiserin un sien Steefmoder I-suke-yori-hime to Gemahlin nehm. De weer bösaardig, ungerecht un hett plaant, sien jüngere Halfbröers Kamu-ya-i-mimi no mikoto (japaansch: 神八井耳命|) un Kamu-nuna-kawa-mimi umtobringen, wobi de hüm aber tovörkeemen. Wiel Kamu-ya-i-mimi bi de Dörführen aber sück wat torüchhollen harr, övergeev he sien jüngeren Bröer Kamu-nuna-kawa-mimi den Thron.[1][2] Dat Kojiki gifft wegen disse Episood den Alternativnamen Take-nuna-kawa-mimi no mikoto (japaansch: 建沼河耳命|), bi de sien Namen de Präfix take ‚mutig‘ vöranstellt is.

Suizei regeer in den Palast Takaoka (Nihonshoki: japaansch: 葛城高丘宮|, Kojiki: japaansch: 葛城高岡宮|}}, Kazuragi no Takaoka no miya) in Kazuragi (hüüd Gose). Nah den Nihonshoki weer sien Gemahlin Isuzu-yori-hime no mikoto (japaansch: 五十鈴依媛命|), nah den Kojiki Kawa-mata-hime (japaansch: 河俣毘売|).

Ingang to dat Kaisergrafft vun Suizei

He is nah den Nihonshoki mit 84 Johren an‘ 10. Dag vun den 5. Maandmaand in sien 33. Regeerensjohr (549 v.Chr.), nach dat Kojiki in dat Öller vun 45 Johren. Sien Mausoleum (misasagi) is dat Hügelgraff Tsukida-no-oka-no-e-no-misasagi (japaansch: 桃花鳥田丘上陵|, ‚Kaisergrab auf dem Hügel des Ibis-Feldes‘; 34° 30′ 2″ N, 135° 47′ 23″ O) in Kashihara,[3] 300 m nördlich vun dat Graff vun sien Vader Jimmu.

Den Naam Suizei, de sien beid Schriftteeken ‚freedlich‘ bedüüden, kreeg he later as de japaansch Kaiser anfungen, sück chineesch, faken buddhistisch inspireerte, Naams to geven.

Notizen[ännern | Bornkood ännern]

  1. Ut Pietätsgrünnen later Hime-tatara-isuke-yori-hime (japaansch: 比売多多良伊須気余理比売|) nömmt, wiel hoto ‚Vagina‘ bedüüd un sück up en Episood vun hör Tüügen betreckt.

Footnoten[ännern | Bornkood ännern]

  1. William George Aston: Nihongi: Chronicles of Japan from the Earliest Times to A.D. 697, Verlag Trench, Trübner & Co., London 1896, Sieden 137-141; Afschrift vun den Nihonshoki (japaansch)
  2. Basil Hall Chamberlain: The Kojiki 1919, Afsnitt LI. - LV.
  3. [1] japaansch: 天皇陵-綏靖天皇 桃花鳥田丘上陵|Kunai-chō, afropen an‘ 1. Oktober 2017

Kiek ok[ännern | Bornkood ännern]