Student Academy Award

Vun Wikipedia

De Student Academy Award (in de Ümgangsspraak ok as Studentenoscar betekent) is en Filmpries, de vun de Academy of Motion Picture Arts and Sciences an Studenten vun de Filmkunst vergeven warrt un vör allen Priesdrägers in de USA ehren deit. An’n Anfang hett de Priesvergaav Student Film Awards heten. In’t Johr 1973 weer de Preis dat eerste mol utgeven. Siet 1975 finnt se jeed Johr statt. Den hüütigen Naam vun de Priesvergaav gifft dat siet 1991.

Priesen gifft dat in veer verschedene Kategorien: Experimentalfilm (Alternative), Animatschoon (Animation), Dokumentarfilm (Documentary) un Speelfilm (Narrative). In jeedeen dorvun warrt hüüt Priesen in Gold, Sülver un Bronze vergeven, de mit verscheden Geldbedräg verbunnen sünd. Siet 1981 weer ok de beste Arbeit vun utlännsche Filmstudenten uttekent, wat siet 2016 nu ok in de dree Kategorien Animatschoon, Dokumentatschoon und Speelfilm maakt warrt.

Ünner de Priesdrägers sünd ok en Reeg vun Lüüd, de laterhen bekannt und beropen worrn sünd, so as Robert Zemeckis, Bob Saget, Spike Lee, Trey Parker oder John Lasseter. Bito geev dat ok Filmbidrääg, de tosätzlich ok för de regulären Oscars in de Kategorie Kortfilm vörslahn worrn sünd, as to’n Bispeel Chicks in White Satin, The Janitor, Karl Hess: Toward Liberty, 9 oder Die rote Jacke. Dat geev intwüschen ok al tallrieke düütsche Preisdrägers. Dorto höört to’n Bispeel Katja von Garnier (1994, Abgeschminkt!), Florian Baxmeyer (2003, Die rote Jacke), Ulrike Grote (2004, Der Ausreißer), Max Zähle (2012, Raju), Lennart Ruff (2014, Nocebo) oder Katja Benrath (2017, Watu Wote – All of us)

Weblenken[ännern | Bornkood ännern]