Streekklöör

Vun Wikipedia
Streekklöör vun Pyrit un Rhodochrosit

De Streekklöör (oder ok blots kott Streek) betekend in de Mineralogie de Klöör, de dat Pulver vun en Mineral hett. Disse Egenschop kann hölpen, Mineralen to ünnerscheeden, de vun buten liek utseht.

Üm de Streekklöör to bestimmen warrt dat Mineral an en ruug witte Porzellanflach opdrückt un doran lang reven. Dat Pulver, wat dorbi afreven warrt hett för jedet Mineral en tyypsch Klöör, de mitünner ok ganz anners wesen kann as de Klöör vun dat Mineral sülvst. En Bispeel is dat Mineral Pyrit, dat golden glimmert un dorüm ok as Kattengold begäng is. Aver de Streek vun Pyrit is nich golden, man de is swatt as bi de meisten Ierzen

Bi idiochromaatsche Mineralen is de Streekklöör faken lieks de Mineralklöör. Bi allochromaatsche Mineralen dorgegen is se tomeist witt.

Weblenken[ännern | Bornkood ännern]

Streekklöör. Mehr Biller, Videos oder Audiodateien to’t Thema gifft dat bi Wikimedia Commons.