Steve Alder

Vun Wikipedia
Zur Navigation springen Zur Suche springen

Stephen John Alder (* 28. Januar 1950 in London, England; † März 1997 in London, England) weer en britischen Schauspeler.

Leven un Loopbahn[ännern | Bornkood ännern]

Alder füng sien Loopbahn as Schauspeler in de 1970er Johren an’t Theater an, woneem he ünner annern 1972 in’n Londoner West End an de Siet vun Richard O’Brien an’t Shaftesbury Theatre in’t Musical Hair,[1] un in de Titelrull in de Rockoper Jesus Christ Superstar an’t Palace Theatre speelt hett[2][3]. 1973 weer he in en Produkschoon vun dat Musical Grease an’t New London Theatre an de Siet vun Richard Gere to sehn[1].

Sien eerste Feernsehrull harr he 1979 in den BBC-Feernsehfilm Kiss the Girls and Make Them Cry. He speel in de 1980er un fröhen 1990er Johren verschedene Gastrullen in Feernsehregen as The Other ’Arf, Jury oder The Bill. Speelfilmen hett he so goot as gor nich maakt. In Düütschland weer he ’n lütt beten bekannter dör sien Rull in de Feernsehreeg The Professionals (dt.: Die Profis), in de he söven mol as Agent Murphy optreden is.

Alder is mit blots 47 Johren an en Gastrointestinalen Blöden doodbleven.

Filmografie (Utwahl)[ännern | Bornkood ännern]

Johr Titel Synchroonsnacker
1979 Kiss the Girls and Make Them Cry, Feernsehn  
1980–81 The Other ’Arf, Feernsehfolgen
dt.: Die kleinen und die feinen Leute
 
1982 P.O.S.H, Kortfilm  
1980–83 The Professionals, Feernsehfolgen
dt.: Die Profis
verschedene
1983 Jury, Feernsehreeg  
1986 Constant Hot Water, Feernsehreeg  
1990–94 The Bill, Feernsehfolgen  

Borns[ännern | Bornkood ännern]

  1. a b IMDb Other Works (engelsch)
  2. Jonathan Law: The Methuen Drama Dictionary of the Theatre, 2013
  3. Artikel in de Chicago Tribune (engelsch)

Weblenken[ännern | Bornkood ännern]