Middelsten Jager
| Middelsten Jager | ||||||||
|---|---|---|---|---|---|---|---|---|
 | ||||||||
| Systematik | ||||||||
| ||||||||
| Wetenschoplich Naam | ||||||||
| Stercorarius pomarinus | ||||||||
| (Temminck, 1815) |
De Middelste Jager (Stercorarius pomarinus) is en Seevagel ut de Familie vun de Schietjagers (Stercorariidae).
Kennteken
[ännern | Bornkood ännern]De Middelste Jager warrt over’t Lief 42–50 cm groot. Siene Figur is stebig. He hett swatte Been. Dat gifft twee Farven, de bi em vorkaamt, en dunkere un en helle Variante. De Snavel is wat geelbruun.
Bröden
[ännern | Bornkood ännern]De Nester weert up’e Eer boot, meist up en lüttjen Hövel. Twee bit dree Eier weert leggt. De Middelste Jager brott in lüttje Kolonien. Wie groot de sünd, hangt dor faken vun af, wie veel dat to Freten gifft. Vertehren deit de Jager sunnerlich Lemminge.
Wo he vorkamen un leven deit
[ännern | Bornkood ännern]De Aart brott, nich wietaf vun’e Küst, in de Tundra vun Sibirien un Noordamerika in’n Norden vun Russland, Alaska un Kanada. Düsse Schietjager overwintert up hoge See, man ok nich wiet af vun de Küsten, sunnerlich twuschen de Wennkreise un langs de Küsten vun Australien un Argentinien. De Populatschoon ut Europa steiht in’n Winter sunnerlich an de Küsten vun Westafrika. Up’n Treck dorhen is se regelmotig langs de westeuropääschen Küsten to sehn.
Bestand
[ännern | Bornkood ännern]De IUCN taxeer de Tahl vun Vagels vun düsse Aaart in dat Johr 2004 over’n Duum up ruuchweg 250.000 bit hen to 3 Mio. Deerter. Dat warrt annahmen, datt düsse Aart nich in Gefohr is. Vundeswegen steiht se ok nich up de Rode List vun de IUCN.
Freten
[ännern | Bornkood ännern]Middelste Jagers freet Lemminge, Eier, Fisch, Aas un Jungvagels vun annere Aarden. To’n Deel fangt se ehre Büte sülms, man to’n Deel nehmt se de ok annere Vagels weg (Kleptoparasitismus).
Kiek ok bi
[ännern | Bornkood ännern]- List vun Vagels, mit allerhand plattdüütsche Vagelnaams un Naams ut de Naberspraken
- Projekt: Deerternaams up Platt
Literatur
[ännern | Bornkood ännern]- Klaus Malling Olsen & Hans Larsson: Skuas and Jaegers. Pica, East Sussex, 1997. ISBN 1-873403-46-1
- Urs N. Glutz von Blotzheim & Kurt M. Bauer: Handbuch der Vögel Mitteleuropas, Band 8/I, Charadriiformes (3. Teil) Schnepfen-, Möwen- und Alkenvögel. Aula, Wiesbaden, 1999. ISBN 3-923527-00-4
- R. Haven Wiley & David S. Lee: Pomarine Jaeger (Stercorarius pomarinus). In: The Birds of North America, No. 483 (A. Poole and F. Gill, eds.). The Birds of North America, Inc., Philadelphia, PA. Issue 483. (BNA)
- Lars Svensson, Peter J. Grant, Killian Mullarney, Dan Zetterström: Der neue Kosmos Vogelführer. Kosmos, Stuttgart, 1999. ISBN 3-440-07720-9
