Stephan Jersch

Vun Wikipedia

Stephan Jersch (* 27. Januar 1963 in Rheydt) is en düütschen Politiker von De Linke.

Jersch is 1963 in Rheydt boren. Na dat Abitur hett he von 1982 bet 1988 in Saarbrücken leevt un hett dor an de Universität von dat Saarland studeert. Von 1989 bet 1997 hett he in Harsfeld leevt un weer dor bi de Kommunalwahl 1996 Kannedaat för den Gemeenraad von de Gemeen Harsfeld. 1997 is he na Lohbrügg tagen.

He is 1980 bet 1981 Maat von de SPD ween un 1982 bet 1990 von de DKP. 1990 is he in de PDS ringahn, ut de 2007 de Partei De Linke worrn is. Bi de Bundsdagswahl 2002 weer Jersch Kannedaat in’n Bundsdagswahlkreis Stood-Cuxhoben un hett dor 1,2 % von de Eerststimmen kregen. Von 2004 bet 2010 weer he in’n PDS/De-Linke-Bezirksvörstand von’n Bezirk Bardörp. 2008 bet 2014 weer he Frakschoonsvörsitter von De Linke in’e Bezirksversammlung Bardörp. Bi de Börgerschopswahl 2015 is he över de Landslist to’n 2. März 2015 in de Börgerschop intagen.

Jersch is Programmerer un hett bi Kühne + Nagel arbeidt. He is nich verheiraadt un wahnt in Lohbrügg (Bezirk Bardörp).

Weblenken[ännern | Bornkood ännern]