Stephan Feck

Stephan Feck (* 17. Februar 1990 in Leipzig) is en düütschen Waterspringer.

Loopbahn

Feck geiht för den SC DHfK Leipzig an’n Start un maakt de Disziplinen Kunstspringen vun’n 1 m- un 3 m-Brett. Tosamen mit sien Kameraad Patrick Hausding maakt he butendem ok 3 m-Synchroonspringen, womit he al ’n beten Spood harr.

In’t Johr 2009 weer he to’n eersten mol bi de Swemmweltmeesterschoppen dorbi. Dor is he mit Hausding tosamen Föffter worrn. Bi de Swemmeuropameesterschoppen 2010 in Budapest as ok 2011 in Turin hebbt se beide molen de Sülvermedaille in’t 3 m-Synchroonspringen wunnen. 2011 is Feck bito Föffter vun’n 1 m-Brett worrn un Söventer vun’t 3 m-Brett. Bi de Weltmeesterschoppen 2011 is he mit Hausding wedder op’n föfften Platz kamen.

Op natschonale Even is Feck siet 2007 tosamen söss mol Düütsche Meester wesen. Bi de Olympischen Spelen 2012 in London weer he in’n Wettkamp vun’t 3 m-Brett mit dorbi. Traineert warrt he vun Uwe Fischer, de Vadder vun Heike Fischer.

Weblenken

Sportlerporträt vun’n DSV