Steenbillner

Vun Wikipedia
Zur Navigation springen Zur Suche springen
En steenbilln Mineral: Augit

As Steenbillners warrt de Mineralen betekent, de op de Eer de Samtheit vun all Stenen opboet. Op de Eer sünd mehr as 2000 Mineralen bekannt, man dorvun speelt blots ruchweg veertig Mineralen en echte Rull bi’n Opbo vun de Stenen.

De Stenen kann een na de Oort un Wies vun jemehr Tostannenkamen in dree Hööftgruppen ünnerscheden: De Magmatiten, de Sedimentiten un de Metamorphiten. Steenbillners gifft dat in jede vun disse Gruppen, vun wegen dat de enkelte Kombinatschoon ut de bedeeligten Mineralen bestimmt, mit wovun Steen wi dat to doon hebbt. Bito künnt in en Steen noch lütte Mengden vun wietere Mineralen bimischt wesen, de jemehr physikaalschen Egenschoppen aver nich dull ännern doot.

De wichtigsten Steenbillner, d.h. de Mineralen, de an’n fakensten op de Eer vörkamt, sünd Feldspat, Hoornblenn, Augit, Quarz un Glimmer, de vör allen bi’t Afköhlen un Verklamen vun Magma entstaht, as ok Calcit, Dolomit, Anhydrit un Gips, de sik dör Vörgäng bi de Sedimentatschoon nee billt.

Weblenk[ännern | Bornkood ännern]