Starbuck

Vun Wikipedia
Zur Navigation springen Zur Suche springen

Starbuck (Hanoverhill Starbuck) weer en kanaadschen Tuchtbull un Topverarver.

Dat swartbunte Holsteen-Rind Starbuck keem an’n 26. April 1979 op den Tuchthoff Hanover Hill Holstein in Port Perry, Ontario, in Kanada as Söhn vun de Moder A Anacres Astronaut Ivanhoe un den Vader Round Oak Rag Apple Elevation op de Welt. An’n 26. November vun’t sülvige Johr güng he an’t Centre d’insemination artificielle de Québec (CIAQ, Zentrum för künstlich Befruchten vun Québec). He weeg later 1.173 kg un harr en Grött vun 187 cm. Sien Sperma weer so weertvull, dat he 685.000 Portschonen produzeren müss, womit he mehr as 200.000 Keih (Bullenkalver gor nich mittellt) as Nakamen harr. He bleev an’n 17. September 1998 dood. Bet dorhen harr he dör dat Verköpen vun dat Sperma dat CIAQ över 25 Millionen US-Dollar inbrocht.

An’n 7. September 2000 hett dat CIAQ ut Zellen vun Starbuck en Kalv kloont, dat se „Starbuck 2“ dööpt hebbt.

Weblenken[ännern | Bornkood ännern]