Stabyhoun
| Stabyhoun | |
|---|---|
 | |
| FCI - Standard Nr. 222 | |
| Patronat | Nedderlannen |
| Klassifikatschoon FCI |
|
| Rassenaam na FCI |
Stabyhoun < br />(Friesischer Vorstehhund) |
| Schufthööcht | Rüde 50-53cm, Teev 48-50cm 2 cm Afwieken nah baben un nah ünner wurrn tolereert |
| Gewicht | Rüde 22-27 kg, Teev 18-23 kg |
| List vun de Hunnenrassen | |
De Stabyhoun, ok kört Stabij[1], is en vun de FCI anerkannte nedderlannsch Hunnenrass (FCI-Gruppe 7, Sektion 1.2, Standard Nr. 222).
Herkunft un Geschichtliches[ännern | Bornkood ännern]
De Stabÿhoun oder nah anner Schrievwies Stabijhoun (ÿ identisch mit „ij“ wiurrd etwa as dat düütsch „ei“ spraaken) is en „Allerweltshund“ ut Freesland in den Nedderlannen. De Naam kunn sück vun „Sta mij bij“, also „stah mi bi“ oder „help mi“, billt hemm; „houn“ is freesch (en Amtsspraak in den Nedderlannen) un bedüüd „Hund“. Entwickelt hett sück de Hund woll ut mehreren Typen un Ortsslääg vör lang Tiet, ahn dat he in de Literatur oder up historsch Gemälden Daalslag funn. He weer de ganz gewöhnliche Dörphund vun de Buurn. Um 1940 fung man an, den Wetterhoun mit intokrüüzen, um en wat grötter Arbeitshund to hemm.
Beschrieven[ännern | Bornkood ännern]
De Stabyhoun ähnelt den Lütten Mönsterländer. He wurrd bit 53 cm groot un 27 kg swoor. Sien Hoor is nich to lang, gewellt. De Stabijhoun is en checkt Hund in swaart oder bruun mit witt Afteeken, aber swaart oder-bruun-geschimmelt wurrd ok nich aflehnt. De Ohren hangen, sünd lütt un liggen nich an.
De nedderlannsch Hund gellt as een vun de fief seltensten Hunnenrassen up de Eer.[2].
Wesen[ännern | Bornkood ännern]
Dat is en eegenwillig, aber früendlich Hoffhund, ahn immer hofftrue to ween, un jagt gern sülvständig Kanien un Müüs. To de Eegenschapen vun en idealen Stabyhoun tellt ok de Waaksamkeit, wobi he sück as Huushund anhänglich, freedlich un levenswürdig wiesen sall. De Stabyhoun is früendlich, aber nich sofort jedermanns Früend.[1]
Gebruuk[ännern | Bornkood ännern]
He is för all Upgaven up en Hoff to gebruuken, as Jagdhund ok in’t Water, he apporteert un söcht vortrefflich. Bi utreckend Beschäftigung is he as Familienhund to gebruuken.
Enkeld Nahwiesen[ännern | Bornkood ännern]
- ↑ a b Rassebeschrieven dör den Tuchtverband
- ↑ dogbible: Stabyhoun Rassebeschreibung, Temperament & Charakter, Bilder. In: www.dogbible.com. Sissi Schrott, afropen an’n 21. Februar 2021.
Weblinks[ännern | Bornkood ännern]
- De Hund up de Sieden vun de FCI
- Harmen Doekes: Pedigree analysis and optimisation of the breeding programme of the Markiesje and the Stabyhoun. Major thesis Animal Breeding and Genetics (ABG-80436) January, 2016