Sprengel Lümborg

Vun Wikipedia
Zur Navigation springen Zur Suche springen

De Sprengel Lümborg is een von de söss Delen von de evangeelsch-luthersche Landskark Hannover. Seet is Lümborg mit de Johannis-Kark. De Sprengel hett üm un bi 640.000 Liddmaten.

De Sprengel is 1936 grünnt worrn, dat Rebeed harr vörher von 1531 bet 1903 to de Generaldiözees Lümborg-Celle tohöört (von de in dat 18. Johrhunnert de Generaldiözees Horborg afspleet worrn is) un denn to de Generaldiözees Hannover.

1989 sünd de Karkengemenen von dat ole Amt Neehuus (sied 1993 de Gemeen Amt Neehuus), de vörher to de Evangeelsch-Luthersche Landskirch Mekelborg höört hebbt, Deel von’n Sprengel Lümborg worrn.

An’n 1. Juli 2007 sünd de Karkenkreise Gifhoorn un Wulfsborg, de vörher to’n Sprengel Hilmssen höört harrn, Deel von’n Sprengel Lümborg worrn.

Geografie[ännern | Bornkood ännern]

De Sprengel liggt in’n Noordoosten von Neddersassen un dor höört groff de Lümbörger Heid to.

In’n Noorden grenzt de Sprengel Lümborg an’n Sprengel Hamborg un Lübeek von de Noordkark, in’n Noordoosten an’n Sprengel Mekelborg-Vörpommern von de Noordkark, in’n Süüdoosten an’n Propstsprengel Stendal-Meideborg von de Evangeelsche Kark in Middeldüütschland, in’n Süden an’e Evangeelsch-luthersche Landskark in Bruunswiek un an’n Sprengel Hilmssen-Göttingen, in’n Süüdwesten an’n Sprengel Hannover, in’n Westen op en ganz lütt Enn an’n Sprengel Ossenbrügge un in’n Noordwesten an’n Sprengel Stood.

Leid[ännern | Bornkood ännern]

De Sprengel warrt von en Landssupperndent leidt. De Supperndentur sitt in dat Huus Hasenborger Weg 67 in Lümborg. Von 1936 bet 1954 hett de Supperndentur in Medingen seten.

De Baaslüüd von de twölv Karkenkreise un de Landssupperndent billt tohoop den Ephorenkonvent von den Sprengel.

Supperndenten[ännern | Bornkood ännern]

Karkenkreise[ännern | Bornkood ännern]

De Sprengel deelt sik op in twölv Karkenkreise mit 236 Karkengemenen:

Weblenken[ännern | Bornkood ännern]