Smuddelwoord

Vun Wikipedia

En Smuddelwoord is en Woord, dat in de Sellschop nich good leden is. So’n Wöör kaamt faken ut de Rebeden Sexualität (Fotz) un Schieten (Schietkeerl), vergliekt Minschen mit Deerten (dumme Goos) un sett annere Mischen raf. Ok Begrepen, de op Godd anspeelt (Goddverdorri), sünd faken.

Dat Bruken von Smuddelwöör is in de Regel en Teken dat een in Brass is. Minschen, de op sozialen Status weert leggt, versöökt normalerwies so’n Smuddelwöör nich to bruken. Dorüm is vör allen de eenfache Ümgangsspraak riek an Smuddelwöör. Besünners in de apen Reed warrt versöcht keen Smuddelwöör to bruken, mit de een ankanten kann (polietsche Korrektheit).

Vör’t Gesett kann so’n Woord as Beleidigung (§§ 185-189 StGB) gellen.