Slott Wildenwart

Slott Wildenwart

Dat Slott Wildenwart liggt in Wildenwart in de Gemeend Frasdorf in‘n Chiemgau, hooch över dat Daal van de Prien.

Geschichte

Schloss Wildenwart nah en Koppersteek van Michael Wening van 1721

De Vörlöper van dat Slott entstunn in dat 12. Johrhunnert un hett mehrmals den Besitter wesselt. 1771 keem de Herrschap in den Besitt van de Grafen van Preysing. Slott Wildenwart kreeg sien jetzige Form as Veerflögelanlaag mit Ecktoorn un en mit Arkaden slooten Binnenhoff um un bi 1600. In den Graben van de ehmalge Borg wurr to disse Tiet en Gordenanlaag anleggt. Dat Slott weer Seet van de bit 1806 mit de Hoochgerichtsbarkeit utstatt Herrschap Wildenwart. Dat wurr 1862 van Arzhartog Franz V. von Modena-Este un sien Fru Adelgunde von Bayern erworben. Up den Arvweg keem dat sluutend in den Besitt van de bayerische Königsfamilie.

Enn‘ van de Monarkie

Nah sien Flucht ut München (1918) nah de Machtövernahm dör de Revolutschonsregeeren hett sück de bayerische Königsfamilie, dorünner ok Ludwig III., up Slott Wildenwart drapen, dat de nee Heimat för de Familie van de Wittelsbacher wurrn sull.

De letzte bayerische Königin Marie Therese is Anfang van dat Johr 1919 storven un wurr in de huuseegen Kapell upbohrt, hör Dochter Wiltrud bleev bit hör Heiraadt 1924 in Wildenwart, later as Wittfru keem se immer weer in dat Slott. In’n April 1920 kehr Ludwig ut sien Swiezer Exil hierher torüch, wo he den gröttsten van sien Levenavend verbrocht hett.

Nah den Dood van Ludwig in Ungarn an‘n 18. Oktober 1921 wurr sien Liek 11 Daag later mit de Iesenbahn överführt. Duusende Minschen hemm den dooden König hildigt, mit en Veerspänner un begleit van tallriek Vereensafordnungen wurr de Sarg nah Wildenwart brocht. Dor wurr dat letzte bayerische Königspaar bitt o de Överführen nah München an‘n 4. November 1921 upbohrt.

Twee Döchter van den König, Hildegard († 1948) un Helmtrud († 1977), hemm bi to hör Dood in dat Slott wahnt.

Dornah wurr dat Slott van Grund up renoveert. 1979 truck Max Herzog in Bayern, tweet Mann in dat Huus Wittelsbach achter sien Bröer Franz un Oorenkel van Ludwig III., mit sien Familie in dat Slott.

Literatur

• Werner Meyer: Burgen in Oberbayern – Ein Handbuch. Verlag Weidlich, Würzburg 1986, ISBN 3-8035-1279-4, S. 225.

Weblinks

Slott Wildenwart. Mehr Biller, Videos oder Audiodateien to’t Thema gifft dat bi Wikimedia Commons.