Slott Stutensee
Dat Slott Stutensee liggt etwa in' geographischen Middelpunkt vun de Gemeend Stutensee in' Landkreis Karlsruhe in Baden-Württemberg un geev hör de Naam.
Dat Slott wurr 1749 vun Markgraf Karl Friedrich von Baden as Lusthuus bzw. Jagdslott baut. De Naam geiht torüch up dat 1652 grünnd markgräfliche Gestüt, dat nich wiet vun Fischseen anleggt wurr, de Markgraf Karl II. um 1550/60 harr anleggen laaten. En erheblich Utbau vun de Stallungen geev dat af 1669 - dat vun Melac sien Truppen sprengt Slott Staffort wurr to'n Afbröök free geven un de Steenen vun de Ruine as Baumaterial bruukt.
Hüüd is bi dat Slott en Jöögdinrichtung vun den Landkreis Karlsruhe. In' Sömmer 2004 gung dat Slott to je 50 % in den Besitt vun de Landkreis Karlsruhe un den Rhein-Neckar-Kreis över. Mittlerwiel is de Landkreis Karlsruhe alleenig Dräger vun de Inrichtung Jugendeinrichtung Schloss Stutensee gGmbH.