Slott Stolberg

Vun Wikipedia
Zur Navigation springen Zur Suche springen
Slott Stolberg

Slott Stolberg is en Slott in Stolberg (Harz) ut dat 13. Johrhunnert un steiht up en nah dree Sieden affallend Barg böverhalv van de Stadt.

Siet 2002 tellt dat to’n Eegendom van de Deutsche Stiftung Denkmalschutz, de dat mit hör Geld kumplett restaureert un saneert.

Geschichte[ännern | Bornkood ännern]

Slott Stolberg (baben links) över den middelöllerlichen Oort;
Stereoskopie Nr. 659 as Ansichtskoort, Verlag Knackstedt & Näther, um 1900
Deckengemälde up Slott Stolberg
Altar (1667)
Stifter: Johann Martin zu Stolberg

Sien öldste Baudeel, de Rundtoorn, stammt ut de Tiet um 1200, de neeren Deelen wurrn in’n Stil van de Renaissance tüschen 1539 un 1547 nah de Plääns van Andreas Günther upricht. In’n Südostflögel befinnen sück dat klassizistische Groot Empfangszimmer un de Root Saal nah en Entwurf van Karl Friedrich Schinkel. Sien hüüdig Utsehn kreeg dat Slott dör Umbauten tüschen 1690 un 1700. Dorbi wurrn de ehmalgen Wehranlagen in Gordens umwannelt. In dat 19. un 20. Johrhunnert kreegen de Rüüms in dat Bövergeschoss historistische Neeutstattungen. Bit 1945 stunn dat Slott in’n Besitt van de Familie Fürst zu Stolberg-Stolberg, denn wurr hör dat wegnommen.

Af 1947 wurr dat Slott as FDGB-Ferienheim bruukt. För dissen Zweck maakt Umbauten as ok tallriek Gäste hemm umfangriek Sporen in Bausubstanz un Utsehn in dat Binnere van de Anlaag achterlaaten. 1990 gung dat Slott in den Besitt van de Treuhand över un stunn ansluutend loos. En Privatinvestor hett dat 1993 köfft, um dör en Hotel apen to maaken. Slecht maakt Daaksaneerensarbeiten hemm in de Folg Fuchtigkeits- un Schwammschäden veroorsaakt.[1] Nahdem dat Hotelprojekt 1994 ingahn weer, stunn Slott Stolberg weer loos un dat bestunn de Gefohr, dat dat nu kumplett verkommen dee. Enn’ 2002 hett de Deutsche Stiftung Denkmalschutz nah en Övereenkunft mit dat Land Sassen-Anholt dat Bauwark övernommen. De Bausubstanz wurr notsekert un nah un nah saneert.

Siet März 2008 is dat Slott in Deelen weer för de Apenlichkeit togänglich un wurrd as touristisch Zentrum un „Haus des Gastes“ bruukt.[2] Dat sörgt gemeenam mit de Deutsche Stiftung Denkmalschutz för en düersam Pleeg un Sekern van dat Denkmal. De Slottkapell kunn 2009 weer inweeht wurrn un siet 2010 sünd de Slottgorden un de Südflögel weer togänglich. De Slottgorden wurr in’n Rahmen van dat Tourismusprojekt Gartenträume – Historische Parks in Sachsen-Anhalt as en van de herutragend Anlagen van dat Land utteekent.

Bit 2008 wurrn ca. 12 Millionen Euro Fördermittel van den Bund, dat Land Sassen-Anholt, de Europääsch Union, de Stadt Stolberg un de Deutsche Stiftung Denkmalschutz to Instandsetten van de Bauten insett.

Literatur[ännern | Bornkood ännern]

  • STOLBERG 1210–2010: Zur Achthundertjährigen Geschichte des Geschechts. Verlag Janos Stekovics, Dößel (Saalelandkreis) 2010, ISBN 978-3-89923-252-3.

Film[ännern | Bornkood ännern]

Weblinks[ännern | Bornkood ännern]

Commons-logo.svg Schloss Stolberg (Harz). Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Befund un Projektbeschrieven Saneeren Slott
  2. Pressemitdeelen van de Deutsche Stiftung Denkmalschutz in dat Webarchiv, afropen an’n 24. Januar 2019

Koordinaten: 51° 34′ 30″ N, 10° 57′ 15″ O