Slott Königs Wusterhausen

Vun Wikipedia
Zur Navigation springen Zur Suche springen
Slott Königs Wusterhausen, Hoffassade

Dat Slott Königs Wusterhausen in de glieknamig Stadt südöstlich vun Berlin in dat Bundsland Brannenborg wurr as Oort vun dat Tabakskollegium bekannt. Dat denkmalschuult Bauwark beherbargt siet 2000 en Museum.

Historie vun dat Slott[ännern | Bornkood ännern]

Dat Slott grünnd sück up en Waterborg ut dat 14. Johrhunnert. Dat Slott wurr 1320 eerstmals erwähnt. En wiedere Erwähnung geiht as "castrum wusterhuse" up 1375 torüch. 1682 wurr dat Anwesen dör den Grooten Kurfürsten för sien Söhn Friedrich I. köfft, de dat wedderum sien Söhn Friedrich Wilhelm I., den lateren Suldatenkönig, schenken dee.

Dat Slott ünner den Suldatenkönig[ännern | Bornkood ännern]

Dat Tabakskollegium in dat Slott Königs Wusterhausen, Gemälde ut dat 18. Johrhunnert vun Georg Lisiewski

Friedrich Wilhelm I. hett de barocke Verschwendungssucht vun sien Vader, de Preußen mit den Utbau vun de Slötter in Potsdam un Berlin an den Rand vun en Staatsbankrott brocht harr, veracht. He hett dat eenfacke Slott in Wusterhausen as Jagdslott un Sömmersitt bruukt un hull sück nah Mögelkeit blots in‘ Winter in de Stadtresidenzen up. Friedrich Wilhelm I. keem regelmaatig to de "Herbstlust" nah Wusterhausen. To sien Ehren kreeg de Oort Wusterhausen af 1717 den „Königs“-Tosatz in de Beteeknung.

De Suldatenkönig hett an‘ leevsten in dit lütt Slott wahnt, hier hull he sien Tabakskollegien af un hier kunn he sück mit de Utbillen vun sien Lang Kerls vun de Staatsgeschäften aflenken oder up de Jagd gahn – en vun de wenig aristokratischen Vergnögen, dat he sück erloovt hett. To dat Sekern vun sien Jagdwildbestand leet he 1725 den Tiergarten Neue Mühle anleggen, de direkt an den Slottpark grenzen dee. Aber dat Slott weer nich blots Oort vun Muße un Verhalen; hier hett he ok 1730 dat Dekret ünnerschreeven, dat de plaant Flucht vun sien Söhn Friedrich II. nah England mit de Henrichtung vun de sien Früend Hans Hermann von Katte unglückselig afsluuten dee.

Dat Slott nah Friedrich Wilhelm I.[ännern | Bornkood ännern]

Rückwärtige Ansicht vun dat Slott
De Kavaliershüüs vun den Slotthoff
Blick to’n Hööftingang
De Slottpark

Nah den Dood vun den Suldatenkönig 1740 verfull dat Slott. Friedrich II. harr kien good Erinnerungen an den Oort, in dem he en Deel vun sien unglückelk Kindheit verbroch, un de hüm immer an den verhassten Vader erinnern dee. He hett sück leever mit den Utbau vun Slott Sanssouci in Potsdam befaat.

In dat 19. Johrhunnert wurr dat Slott vun de preußisch Königen Friedrich Wilhelm IV. un Wilhelm I. weer as königlich Jagdslott bruukt. Af 1863 funnen weer Hoffjagden statt. Dat Slott wurr weer instandsett un weer inricht.

1913 funn ünner Kaiser Wilhelm II. de letzt groot Jagd statt. Wiels de Weimarer Republiek weer hier en Tiet lang en Museum ünnerbrocht un wiels den Tweeten Weltkrieg wurr dat Slott as Lazarett bruukt. To Tieden vun de DDR weer dat Seet vun de Kreisverwalten vun den Kreis Königs Wusterhausen.

Af 1991 fungen umfangriek Restaureerensarbeiten statt; an‘ 30. September 2000 wurrn Slott un Gorden weer de Apenlichkeit togänglich maakt, hüüd befind sück hier weer en Zentrum van de Kultur. Dat Slott deent weer as Museum. De Stiftung Preußische Schlösser und Gärten Berlin-Brandenburg is Eegendömerin van dat Slot tun den Slottgorden.

Architektur van dat Slott[ännern | Bornkood ännern]

De tweeschossige, meest quadratische Baukörper is bit in dat Bövergeschoss ünner Verwennen van Feldsteenen upricht wurrn. Dat wiest den för de Renaissance verbindlichen Typ van dat "Fast Huus". De Noord- un Süüdsiet van dat Slott wiesen de för dat Slott charakteristischen Geevelfronten mit steilen un parallel verloopen Saddeldaaken. An de nördlichen Hoffassade befind sück de vörlagert, ut de Middelass verschaaven Trappentoorn mit en ut Schiefer deckt Schweifhaube.

In den Festsaal van dat Slott befinnen sück ca. 40 eegenhändig van den König maalt Gemälde, de tüschen 1735 un 1739 in dat Slott Kossenblatt entstahn sünd un eerst 1863 nah Wusterhausen keemen. Vör dat Slott liggen de beid Kavaliershüüs, de tosommen den trapezförmigen Slotthoff billen.

Slottgorden[ännern | Bornkood ännern]

De Renaissancegorden befunn sück westlich van dat Slott, wiels sück up de östlich Siet en noch ungestaltetes Auengelände befunn. Tüschen 1696 un 1698 wurr up de östlich Siet en Gorden in den Stil van den franzööschen Barock anleggt. In Updrag hett dat Kurfürstin Sophie Charlotte geven. Se hett Siméon Godeau, en Schöler van André Le Nôtre ut Paris, to de Gestaltung van den Slottgorden nah Wusterhausen schickt.

Hüüd is de barocke Gordenstruktur -in Verbindung mit den Resten van de Gestaltung van dat 19. Johrhunnert un de Tiet um 1969- wedder herstellt.

Literatur[ännern | Bornkood ännern]

  • Gert Streidt, Peter Feierabend (Herutgever): Preußen. Kunst und Architektur, Verlag Könemann, Köln, 1999 ISBN=3-89508-424-7

Weblenken[ännern | Bornkood ännern]

Commons-logo.svg Slott Königs Wusterhausen. Mehr Biller, Videos oder Audiodateien to’t Thema gifft dat bi Wikimedia Commons.

Koordinaten: 52° 17′ 54″ N, 13° 37′ 30″ O