Slott Bojnice

Slott Bojnice

Slott Bojnice, 2014

In dat Slott Bojnice (ok Slott Weinitz; slowaaksch Bojnický zámok) in Bojnice, Slowakei, is dat an’n meesten besöcht Museum van de Slowakei.

Geschichte

Dat eerstmals in en Oorkunn van de Abtei Zobor in dat Johr 1113 nömmt Slott bestunn oorsprünglich ut Holt, dat nah un nah dör Steen ersett wurr, de buteren Müern weern de uneben bargig Umgebung nahempfunnen. De eerste Besitter Matthäus Csák, faktischer Herrscher över de gesamte West- un Mittelslowakei, kreeg dat in dat Johr 1302 van Wenzel III. den König van Ungarn. In dat 15. Johrhunnert weer dat Slott in’n Besitt van König Matthias Corvinus, de dat sien unehelichen Söhn Johann Corvin 1489 övergeven hett.

Matthias hett Bojnice gern besöcht un hett hier an sien Dekreten arbeit, de he för Begäng ünner en Lindenboom dikteeren dee. De Boom is hüüd as „Lindenbaum des Königs Matthias“ bekannt. Nah sien Dood keem dat Slott in den Besitt van de Familie Zápolya (kiek Johann Zápolya). De Turzos, de riekste Familie in dat nördlich Königriek Ungarn (hüüd Slowakei), hemm dat Slott 1528 köfft un ansluutend groot Umbauten vörnommen. De oorsprüngliche Festung wurr in’n Stil van de Renaissance umbaut. Af 1646 weer dat Slott in den Besitt van de Pálffys, de wiedere Umbauten dörführt hemm.

Slott Bojnice

Afsluutend wurr Slott Bojnice van Johann Pálffy (1829–1908) van 1888 bit 1909 umfaatend un romantisieerend umbaut. So entstunn dat hüdige Slott, dat den franzööschen Slötter van de Loire nahempfunnen ist. Pálffy, Architekt un grafisch Designer, weer en van de gröttsten Sammler van antik Wandteppiche as ok Teknungen, Biller un Skulpturen van sien Tiet. Nah sien Tod wurr dat Slott van sien Arven 1939 tosommen mit dat Heelbad un dat umgeeven Land an Jan Antonín Baťa (van den Schohfabrikant Bata) verköfft.

Nah 1945 wurd dat Vermögen van Baťa dör de Tschechoslowakei in Beslag nommen un dat Slott wurr Sitt van tallriek staatlich Institutschonen. An‘n 9. Mai 1950 is dat Slott bi en Füer düchtig verneelt wurrn. De Staat hett aber den Wedderupbau anordnet. Nu is dor en Butenstäe van dat Slowaaksch Natschonalmuseum ünnerbrocht, dat sück up de Dokumentatschoon un Präsentatschoon van den Historismus spezialiseert hett. 1970 wurr dat Slott to’n Natschonales Kulturdenkmal nömmt.

Dat romantisch Slott is en anseggt Dreihoort för Märkenfilme, to’n Bispeel: Prinzessin Fantaghirò. In dat Jahr 2006 wurr dat Slott van 200.000 Lüüd besöcht.

Weblinks

Slott Bojnice. Mehr Biller, Videos oder Audiodateien to’t Thema gifft dat bi Wikimedia Commons.

• Slott Bojnice
• Indrag to Slott Bojnice in de wetenschaplich Datenbank „EBIDAT“ van dat Europääsch Burgeninstitut
• Castles.info - Schloss Bojnice