Slott Bückeborg
Slott Bückeborg is en Slott in Bückeborg un Stammsitt vun dat Huus Schaumburg-Lippe, dat bit 1918 regeerend Fürstenhuus vun dat Land Schaumburg-Lippe.
Geschichte
[ännern | Bornkood ännern]Middelöller un Neetiet
[ännern | Bornkood ännern]
De Grünnen vun de Bückeborg as Vörlöperanlaag vun dat Slott lett sück bit to dat Johr 1304 torüchverfolgen, as de eerstmals in en Oorkunn nömmt wurrn is. Anfang vun dat 14. Johrhunnert hett Graf Adolf VI. von Schauenburg und Holstein-Pinneberg de Waterborg Bückeborg baut, um vun hier ut de wichtige Hannelsstraat Hellweg to överwaaken. Nömmt wurr de Borg nah de all um 1181 verfallen Olt Bückeborg in dat dicht bi liggen Öwernkerken, de Borg vun de Grafen vun dat Bukkigo. To'n Anfang bestunn de Befestigungsanlaag blots ut en Wehrtoorn un Wertschapsbowarken, vö de sück in de Loop vun de Tiet en lütt Siedlung entwickeln dee.
1365 kreeg de lütt Oort bukkiborg de Fleckengerechtigkeit, un um 1396 hett Otto I. von Schaumburg en Geistlichen an sien nee baut Kapelle beropen. 1492 harr de Borg blots 13 Zimmer, entwickel sück aber bit 1527 ünner Johann IV. to en befestigt Anlaag mit Schlööt, Wällen un Bastionen.
Af 1560 leet Otto IV. von Schaumburg in blots veer Johren de oorsprüngliche Waterborg in en repräsentative veerflögelig Slottanlaag in den Stil vun de Werserrenaissance ümgestalten. Dorto wurr deelwies Bausubstanz vun de old Anlaag in dat nee Slott mit övernommen. As Baumeister weern Heinrich Schrader un Jacob Kölling verantwortlich. West- un Noordflögel wurrn dör de so nömmt Trompetergang, en hoffsieidig liggen, apen Galerie mitnanner verbunnen.
Renaissance
[ännern | Bornkood ännern]
De Söhn vun Otto, Ernst von Holstein-Schaumburg, de van 1601 bit 1622 regeeren dee un 1619 to'n Fürst nömmt wurr, hett Bückeborg 1607 to sien Residenz maakt. He hett hör de Stadtrechte tospraaken, leet nee Straaten anleggen, Befestigungswerke un Bauten errichten; dorünner de Stadtkark mit de fröhbarocken Fassade van 1615. An' Marktplatz leet he dat butere Slottportal mit en flankeeren Verwaltenssgebäude, de hüüd noch bestahn Fürstliche Hofkammer, un dat Ballhuus bauen. Den ünner sien Vader anleggten Gorden hett Ernst in en typischen, recht repräsentativen Renaissancegorden ännert. 1622 wurr as letzt de groot Marstall baut. De Slottkapelle kreeg en fröhbarocke Holtdekoratschoon un wurr komplett in' manieristischen Stil utmaalt. De filigrane Holtdekoratschoon vun de Slottkapelle wurr vun de beid ut Hilmessen kommen Bildhauern Ebbert den Jüngeren un Jonas Wulff maakt.
Een Dag nah den Dood vun Ernst stunnen frömd Söldner in de Stadt un dat Unheil vun den Dartigjohrigen Krieg nehm sien Loop, weswegen dat eerst af 1695 weer mit dat Bauen los gung. Nahdem 1640 mit Otto V. de Grafen to Holstein-Schaumburg in de männlich Lien zustorven weer, keemen dat Slott un Deelen vun de Grafschap Schaumburg an Graf Philipp, de de Lien Schaumburg-Lippe begrünnen dee. De leet de Wanden vun de Slottkapelle wegen sien reformeert Gloven komplett witt övermalen, weswegen de kunsthistorisch hööchst bedüütsamen Freskenmalereen för Johrhunnerte ünner den Anstreek verschwunnen bleeven.
Barock
[ännern | Bornkood ännern]
Van 1728 bit 1748 regeer Albrecht Wolfgang zu Schaumburg-Lippe in Schaumburg. Wiels disse Tiet hett Voltaire mehrfack Bückeborg besöcht, de hier de eerste Anregungen to sien Roman Candide kreeg (dat Slott vun den Baron Thunder-ten-tronckh in Westfalen). 1732 sünd in wenig Stünn de Noord- un de Süüdflögel vun dat Hööftgebäude utbrennt, wurrn aber binnerhalv vun een Johr ünner Inbetrecken vun en Brandstüer weer upbaut. In den Tosommenhang hett man denn mit de Trümmerdeelen den binneren Slottschloot verfüllt un so de minn Platz binnerhalv vun den Wall vergröttert.
Albrecht-Wolfgang schweew voll ut grötter Upbau mit en wiederen Flögelanbau vör, aber so völ geev de Brandstüer denn ok nich her, so dat blots de Oost- un Süüdflögel nee upbaut wurrn kunnen. De nee Stil, jetzt Barock, präägt bit hüüd dat butere Utsehn vun dat Slott. De Graf leet ok en Barockgorden anstäe vun den Renaissancegorden anleggen, aber de Gordenpracht bleev blots bit 1748 erhollen.
Van 1748 bit 1777 regeer Wilhelm zu Schaumburg-Lippe, de as Militärstrateeg ok den Slottgorden vun sien Vaders mit Wallanlagen un Schlööt versehen leet, nahdem de Gordenskulpturen tovör in den Gorden vun dat Slott Baum verbrocht wurrn. Ünner sien Nahfolger Philipp Ernst (1777–1787) wurr de Slottgorden aber weer in en Park mit anslooten groot Aaftboomschool verwannelt. Sien Fru Juliane leet en Deel vun den Gorden in en engelsch Landschapsgorden verwanneln. Af 1820 wurrn in' Süüden vun dat Slott in de so nömmt Hoffwiesen groot Waterflachen anleggt, in de bit in de 1990er Johren Karpfen hollen wurrn. Disse Seen sünd hüüd en wertvull Biotop för Amphibien un Watervagels.
Historismus
[ännern | Bornkood ännern]
Eerst af 1860 ünner Fürst Adolf Georg wurrn de Rüüms vun dat Slott renoveert; dorünner de Golden Saal – ehmals dat Witt Gemach –, de in de Tiet van 1863 bit 1867 ünner annern mit de bit hüüd erhollen root Siedentapeten utstatt wurr. Ok de Slottkapelle wurr van 1879 bit 1885 dörgriepend restaureert. Bi den Inbau vun de groot Örgel muss de Kanzelwand, de bit dorhen direkt an de Rückwand befestigt weer, meest dree Meter in den Ruum versett wurrn. Ok de 1648 övermaalt Freskenmalereen wurrn weer vullständig freeleggt un hüüd kriggt man en deepen Inblick in de Formenspraak vun den Manierismus.
Groot Veränderungen geev dat in de Tiet van 1893 bit 1896, as de Toorn en neen Flögelanbau kreeg. Disse Anbau entspreckt den Plääns, de Albrecht Wolfgang all 1732 harr, nämlich den Toorn middels vun en Anbau in de Midden vun dat Slott to rücken. Den Hööftdeel vun den Anbau nimmt de Groot Festsaal in (9 Meter hooch, 12 Meter breet un meest 24 Meter lang.) In dat Deepgeschoss wurr mit neeste Technik en moderne Grootkööken inbaut, de 250 Personen versörgen kunn. Dorför wurrn aber de noch ünner Otto IV. baut Kanzleigebäude un de olt Kööken afreeten. De Slotthoff kreeg mit twee halfkreiskreisförmigen Kavaliershüüs en meest slooten Bebauung mit en dortohören formalen Gordenanlaag.
1911 bit 1915 leet Fürst Adolf an den Rand vun den Slottpark en Mausoleum as Begräbnisstäe vun dat Fürstenhuus bauen. Architekt weer de Berliner Perfesser Paul Otto August Baumgarten. In 25 Meter Hööcht befind sück de gröttste Goldmosaikkuppel vun Europa mit en Flach vun 500 m². Dit gewaltig Bauwark mit sien eegen Parkanlaag is immer noch de Graffleeg vun de fürstlich Familie.
Hüüdig Gebruuk
[ännern | Bornkood ännern]
Dat Slott Bückeborg wurrd siet sien Errichtung dörgahnd bewahnt; oorsprünglich vun de Grafen zu Holstein-Schaumburg un af 1640 vun de Liddmaaten vun de gräflich, later fürstlich Familie to Schaumburg-Lippe. Hüüd leevt Alexander Prinz zu Schaumburg-Lippe in dat Slott.
Siet 1925 sünd eenzelne Rüüms to besichtigen, dorünner de Slottkapelle, de Golden Saal un de groot Festsaal. Siet Mai 2004 is in' Marstall de Hoffrietschool Bückeborg to Huus, in de de Rietkunst vun de europääsch Epochen vun dat 11. bit 17. Johrhunnert wiest un pleegt wurrd. Slott Bückeborg is buterdem Veranstaltensoort för verscheedenste Feste un Utstellungen, to'n Bispeel de jedes Johr in' Fröhsömmer stattfinnen „Landpartie“, den „Weihnachtszauber“, de an de eerst beid Adventsweekenenn' jedes Johr binnerhalv vun dat Slott un in de Umgegend stattfind un de nah eeegen Angaven rud 60.000 Minschen jedes Johr besööken, as ok de Middelöllermarkt „Mittelalterlich Phantasie Spectaculum“ in' Juli. Groot Interesse bi dat Publikum finnen ok Oldtimer-Rallyes as de „Schaumburg Classics“, in de dat Slott as Statschoon inbetrucken wurrd. Siet eenig Tiet sünd ok standesamtliche Troungen in den barocken Musiksaal mögelk, ok de Slottkapelle kann nun vun Hochtietspaaren vun verscheeden christlich Konfessionen bruukt wurrn.
An' 21. Januar 2011 wurr dat fardigstellt 1:60 Präzisionsmodell vun dat Slott in de Marmorhall installeert, vun wo in Tokunft de Slottführungen anfangen. In de Rüüms vun de historsch Kööken is nu en Cafe-Restaurant in. Dor kann sück de Gast anhand von olt Spieskoorten, Fotos un ok original Ruumutstattung en authentischen Inblick in de ehmalige herrschaplich Grootkööken verschaffen. In en Siedenflögel befind sück dat Staatsarchiv Bückeborg.
De free togänglich Slottpark hett en Grött vun över 80 Hektar un umgifft dat Slott vun all Sieden. Man find dorin eenig weltwiet seltenere Boomaarten, as Süntel-Bööken, Sumpfzypressen oder en meest 25 Meter hooch Mammutboom achter dat Mausoleum.
Jewiels in' Harvst wurrn in dat Bückeborger Slott de Meesterkurse vun de Internatschonale Musikakademie för Solisten utdragen.[1]
Literatur
[ännern | Bornkood ännern]- Schlösser und Burgen. Parragon, Köln 2006, S. 78–79, ISBN 1-40547-886-1.
- Heiner Borggrefe: Die Residenz Bückeburg – Architekturgestaltung im frühneuzeitlichen Fürstenstaat. Jonas Verlag, Marburg 1994, ISBN 3-89445-180-7.
- Heiner Borggrefe: Schloß Bückeburg – Höfischer Glanz, fürstliche Repräsentation. Hannober 2008.
- Hans-Wilhelm Heine: Schaumburger Land – Burgenland, in de Reeg Wegweiser zur Vor- und Frühgeschichte Niedersachsens (29), Ollnborg, 2010, herutgeven vun dat Niedersächsisches Landesamt für Denkmalpflege un de Archäologische Kommission für Niedersachsen, ISBN 978-3-89995-673-3
Weblenken
[ännern | Bornkood ännern]
- Websted vun dat Slott
- Rekonstruktschonsteeknung in' middelöllerichen Tostand
- Informatschonen to dat Slott mit Biller vun den Slottpark
- Fürstliche Hoffrietschool Bückeborg
- Slott Bückeburg bi Burgenarchiv.de mit Biller un Informatschonen
Enekld Nahwiesen
[ännern | Bornkood ännern]- ↑ Boris Kusnezow (Koordinator, Organisatschoon): Internationale Musikakademie für Solisten, Booklet [o.D.], up de Siet imas-meisterkurse.de kann man as PDF-Dokument rünnerlaaden, toletzt afropen an' 12. Januar 2014
Koordinaten: 52° 15′ 32″ N, 9° 2′ 37″ O