Slauch

Vun Wikipedia
Zur Navigation springen Zur Suche springen

En Slauch is en Röhr, de ut en flexiblen Stoff (to’n Bispeel Gummi oder Kunststoff) maakt is. Dör en Slauch kann Stoff leidt warrn, de natt oder gasförmig is.

Etymologie[ännern | Bornkood ännern]

Dat Woord Slauch is in dat 19. Johrhunnert ut dat Hoochdüütsche in dat Plattdüütsche övernahmen worrn. Dat hoochdüütsche Woord Schlauch hett oorsprünglich de afströöpt Huut von en Snaak betekent. Ok in dat Nedderlandsche is de Slauch na dat Reptil nöömt. Dor (jüstso as in de nedersaksischen Dialekten in’n Noordoosten von de Nedderlannen) warrt slang seggt. Düsse Utdruck hett sik ok in dat Däänsche, Sweedsche un Noorweegsche dörsett.

Gebruuk[ännern | Bornkood ännern]

En Slauch warrt ünner annern dor bruukt, wo en Stoff von Oort A na Oort B bröcht warrn schall un faste Röhren nich mööglich sünd. To’n Bispeel wenn Oort A un/oder Oort B sik beweegt, wenn faste Röhren to swoor oder to düür sünd oder wenn de Weg twüschen Oort A un B to eng is.