Silva Seeler

Vun Wikipedia
Wesseln na: Navigatschoon, Söök

Silva Seeler (* 8. Januar 1951 in Hamborg) is en düütsche Politikerin von de SPD.

Seeler is 1951 in Hamborg boren. Na dat Abitur an dat Oostsee-Gymnasium Timmendörper Strand 1972 hett se an de Pädagoogsche Hoogschool Lümborg studeert. Na dat Twete Staatsexamen hett se denn anfungen, Kinner Ünnerricht to geven, de nich schoolfähig sünd. Na en Tied as Huusfro weer se von 1985 bet to ehre Wahl in’n Landdag 1990 Mitarbeiderin in’t Büro von’n Bundsdagsafornten Ingomar Hauchler.

Seeler is 1973 in de SPD rin. Von 1976 bet 1986 weer se Raadsfro in de Gemeen Appel un dor Vörsitterin von de SPD-Frakschoon. Von 2011 bet 2014 weer se in’n Stadtraad von Bookholt. Von’n 21. Juni 1990 bet 2013 (twölvte bet sössteihnste Wahlperiood) weer Seeler Maat von’n Landdag von Neddersassen. Se weer dor von 1998 bet 2003 Viez-Vörsitterin von de SPD-Frakschoon un von 2003 bet 2008 Viezpräsidentin von’n Landdag. Von 2008 bet 2013 weer se Vörsitterin von’n Utschuss för Bunds- un Europaangelegenheiten un Medienfragen. In de 13. un 14. Wahlperiood is se for den Wahlkreis Bookholt in’n Landdag intagen, in de 12., 15. un 16. över de Landslist. Bi de Landdagswahl 2013 weer se nich wedder Kannedaat.

Siet 2012 sitt se in’n NDR-Verwaltungsraad un in’n Finanzutschuss von’n Verwaltungsraad.[1]

Footnoten[ännern | Bornkood ännern]

  1. http://www.ndr.de/der_ndr/unternehmen/verwaltungsrat/Silva-Seeler,kontakt804.html