Shasta

De Shasta sünd en noordamerikaansch Indianerstamm in de USA, de in de Siskyou County in Kalifornien, bzw. in dat süüdlich Oregon (Jackson County un Klamath County) leevt hebbt. Över dat Entstahn vun de Naam gift dat verscheeden Versionen. Meest wurrd seggt, dat de Naam vun Sǔsti'ka, afstammt, en bekannt Indianerstamm de um 1840 dicht bi Yreka in Kalifornien beheimatet weer.

Hööftnehrensborn vun de Shasta weern Lachs, Musseln, Hirsch un Lüttwild, klüftig Jäger weern aber ok in de Laag Göös to jagen, de se mit Piel un Bagen, hör wichtigst Wapen, erleggt hebbt. To de wieder Nehrensmiddel hörrn Eckeln un Beeren. De Fisch wurr ok dröögt un kunn dormit länger upbewohrt wurrn.

Hannelt wurr Obsidian, Dentaliummusseln, Solt, Eckeln, Köörven un af un an Kanus.

So as de anner kalifoornsch Stammen ok, weern se nich in Clans organiseert un hebbt in eenzelt Dörper wahnt.

In’t 18. Johrhunnert geev dat ruch weg 3.000 Shasta-Indianer. Hüüd leevt noch etwa 100 Stammesliddmaaten in de Quartz-Valley-Reservation in’ Siskyou County un eenig in Yreka, Kalifornien.

Kiek ok

• List van Indianer up de noordamerikaansche Kontinent

Weblenken

• Informatschonen över de Shasta (engelsch)
• De Shasta up accessgenealogy.com (engelsch)