Seepapagoyen

Seepapagoyen; Lunden
Seepapagooy (Fratercula arctica)
Systematik
Klass: Vagels (Aves) Ornen: Tüütvagels (Charadriiformes) Familie: Alkenvagels Geslecht: Seepapagoyen (Fratercula)
Wetenschoplich Naam
Fratercula
Brisson, 1760

Hoornlund

Seepapagoyen (Seepapageien) oder Lunden (Fratercula) sünd en Geslecht ut de Familie vun de Alkenvagels. Dor höört dree Aarden to, de dat hüdigendags up de Noordhalfkogel wiethen gifft. Een is utstorven. Dor hannelt sik dat um Seevagels bi, de ehr Freten sunnerlich dör Dükern na Fisch fangt. Se bröödt in grote Kolonien an steile Küsten oder up Eilannen an de Küst. Nisten doot se in Felsklöven unner Felsen oder in Höhlen in'e Eer. De Geeltopplund un de Hoornlund leevt in den nöördlichen Pazifik, man de Seepapagooy is bloß man in'n nöördlichen Atlantik un in de Noordpolarsee tohuse.

Aarden

• Geeltopplund (Fratercula cirrhata)
• Hoornlund (Fratercula corniculata)
• Seepapagooy (Fratercula arctica)

Kiek ok bi

• List vun Vagels, mit allerhand plattdüütsche Vagelnaams un Naams ut de Naberspraken
• Projekt: Deerternaams up Platt

Literatur

• Anthony J. Gaston und Ian L. Jones: The Auks. Oxford University Press, Oxford 1998, ISBN 0-19-854032-9
• Urs N. Glutz von Blotzheim, K. M. Bauer: Handbuch der Vögel Mitteleuropas, Bd. 8/II, Charadriiformes (3. Teil), Schnepfen-, Möwen- und Alkenvögel, AULA-Verlag 1999, ISBN 3-923527-00-4

Weblenken

Seepapagooy. Mehr Biller, Videos oder Audiodateien to’t Thema gifft dat bi Wikimedia Commons.

Hoornlund. Mehr Biller, Videos oder Audiodateien to’t Thema gifft dat bi Wikimedia Commons.

Geeltopplund. Mehr Biller, Videos oder Audiodateien to’t Thema gifft dat bi Wikimedia Commons.