Second Life

Vun Wikipedia

Second Life is ene Virtuelle Welt in’t Internett. Bi disse Simulatschoon köönt vele Spelers gemeensam (MMORPG) mit Avatars in ene 3D-Ümgegend in Kontakt un Uttussch treden.

Dat Speel warrt vun de Firma Linden Lab siet 2003 anbaden. In de Johren 2006 un 2007 is dat Programm temlich bekannt worrn.

De Bruker mutt sik en Programm op sien Reekner dalladen un kann sik denn över dit Programm in de virtuelle Welt Akschonen utföhren. Second Life is dorbi keen richtig Speel, dat gifft kene Punkte un keen Winnen. In de virtuelle Welt köönt de Lüüd mitenanner snacken, virtuelle Gegenstänn köpen un verköpen oder sik mit anner Lüüd sozial uttuuschen. Dat Speel kennt sien egen Geld, den Linden-Dollar, de ok en echten Weert hett un na den Wesselkurs, de graad gellt, gegen US-Dollar tuuscht warrn.

Alltohoop sünd mehr as dree Millionen Brukerkonten in disse Welt inricht un de Tall vun aktive Brukers liggt twischen 12.000 un 25.000 je na Tiet an’n Dag (Stand Januar 2007).

Weblenken[ännern | Bornkood ännern]