Sebastian Brendel

Sebastian Brendel

Sebastian Brendel (* 12. März 1988 in Schweet, DDR) is en düütschen Kanusportler. He arbeit bi de düütschen Bundspolizei.

Loopbahn

Brendel maakt den Sport mit den Eener-Canadier in Schweet siet 1996, man siet 2000 traineert he bi’n KC Potsdam. De Dörbrook in sien Loopbahn keem in’t Johr 2005, as he in Szeged in Ungarn in’t Öller vun 17 Johren bi de Juniorenweltmeetserschoppen Dubbelweltmeester in sien Klass worrn is. Twee Johr later weer he to’n eersten mol qualifizeert för dat Natschonalteam vun de Leistungsklass un weer Viezweltmeester in’n Veerer-Canadier bi de Weltmeesterschoppen 2007 in Duisborg. 2008 wunn he Bronze un Sülver bi de Europameesterschoppen in Mailand in sien Klass Eener-Canadier. Sien gröttsten Spood bit hüüt harr he bi de Olympischen Spelen 2012 in London, as he in de Klass vun’n Eener-Canadier de Goldmedaille wunnen hett.

Spood

• 2005: Juniorenweltmeesterschop – 1. C1 500 m, 1. C1 1000 m
• 2006: Junioreneuropameesterschop – 1. C1 500 m, 1. C1 1000 m
• 2007: Europameesterschop – 3. C4 500 m
• 2007: Weltmeesterschop — 2. C4 500 m
• 2008: Europameesterschop – 2. C1 500 m, 3. C1 1000 m
• 2009: Europameesterschop – 2. C1 1000 m, 3. C1 500 m, 2. 4 x 200 m Staffel
• 2009: Weltmeesterschop — 3. C1 1000 m
• 2010: Europameesterschop – 1. C1 1000 m
• 2012: Olympische Sommerspelen – 1. C1 1000 m

Weblenken

Sebastian Brendel. Mehr Biller, Videos oder Audiodateien to’t Thema gifft dat bi Wikimedia Commons.

• Offizielle Websteed
• Sebastian Brendel bi’n Düütschen Kanu-Verband