Sean Parnell

Vun Wikipedia
Sean Parnell (2008)

Sean R. Parnell (* 19. November 1962 in Hanford, Kalifornien) is en US-amerikaansch Politiker (Republikaansch Partei) un weer van 2009 bit Dezember 2017 Gouverneur vun de US-Bundsstaat Alaska.

Parnell truck in dat Öller vun 10 Johr mit sien Familie nah Alaska. Nahdem he de East Anchorage Highschool 1980 afslooten harr, studeer he van 1980 bi 1984 an de Pacific Lutheran University. Dor kreeg he denn ok sien Afsluss as Bachelor. An de University of Puget Sound School of Law (hüüd as Seattle University School of Law bekannt), de he van 1984 bit 1987 besöcht hett, hett e denn sien Dokter in Juristeree makt. Dornah is he as Anwalt anfungen.

1992 wurr Parnell in dat Repräsentantenhuus vun Alaska wählt. Sien Vader Pat harr dor fröher ok all en Seet. Nah twee Amtsperioden hett sück Parnell 1996 denn mit Spood um en Seet in de Senat vun Alaska bewurben. 2006 wurr he republikaansch Kandidat för den Viezgouverneur vun Alaska. He weer dormit Vertreder vun Sarah Palin. Sien Amtsvörgänger un Parteikollege Loren Leman harr nich mehr kandideert.

Nah de an' 3. Juli 2009 bekanntgeven Rückträä vun Palin vun't Gouverneursamt övernehm Parnell an' 26. Juli 2009 de Amtsgeschäfte as Gouverneur vun Alaska. In' November 2010 wurr he för en reguläre Amtsperiood weer wählt.

Wiels 2014 in 36 US-Bundsstaaten Gouverneurswahlen stattfunnen, weer Parnell een vun blots dree afwählt Amtsinhebber.

Parnell is verheiraadt un hett twee Döchter. He leevt mit sien Familie in Anchorage.

Weblenken[ännern | Bornkood ännern]