Schwaren
Schwaren sünd an un for sik in Noorddüütschland un in Westfalen in de fröhe Nutied de swaren Sülver-Pennige ween. Vunwegen dat de Münten jummers minner weert ween sünd, sünd dor mit de Johrhunnerte Kopper-Pennige vun wurrn. En Bremer oder Ollnborger Groten hett 1872 fiev Schwaren köst.
Geschichte
[ännern | Bornkood ännern]De „Dickpennig“ mit 1 Gramm is in Bremen in dat 14. Johrhunnert bekannt ween, man dat duer nich lang, dor hett he den Naam „Sware Pennige“ kregen, later is he unner den Naam „Schwaren“ vun 1400 bit 1872 in Bruuk ween. He stunn toeerst för 1/2 Witten oder 5 Scherf, later is he bit 1872 de foffte Deel vun en Groten ween. För een Rieksdaler weern 360 Schwaren to betahlen. Um 1800 weer he nich mehr ut Sülver, man ut Kopper.