Schapp

Vun Wikipedia

Dit Woort hett noch annere Bedüden: kiek dorför ünner Schapp (Mehrdüdig Begreep).

Olen Schapp in de St.-Sylvestri-Kark in Warnjeroe

Dat Schapp (pl. Schäpp oder Schappen) is en Stück Huusraat, dat jedeen bruken deit. Tomehrst is dat een Kassen ut Holt, mit Döören an de Vöörsiet, öftens sün see to’n Afsluten. Inwennig is’n Schapp mennigmal updeelt mit to’n Bispeel Boorden, Schuven, Klederstang usw.

Jenadem wat dor nin höört, oder wo dat steiht, gifft dat ünnerscheidlik oder besünnere Schappen:

  • Kökenschapp in de Köök,
  • Kiekschapp, för dat Feernkieken,
  • Tüüchschapp, wo ok dat Schapptüüch binnen is,
  • Böökerschapp, wo de Bööker binn sünd,
  • Schohschapp, för de Schoh,
  • Geldschapp, wo dat Geld binnen is. Wenn dat besünners sekert is, warrt ok vun den Tresor oder dat Tresorschapp snackt.