Sauropsiden
| Sauropsiden |
|---|
 |
| Systematik |
|
|
| Wetenschoplich Naam |
| Sauropsida |
| Huxley, 1864 |
Bi de Sauropsida (up Platt: Sauropsiden) hannelt sik dat um en Taxon mank de Veerfööt (Tetrapoda). Dor höört de Klassen vun de Vagels (Aves) un de Reptilien (Reptilia) mit to. Bi de Reptilien weert ok de utstorven Dinosauriers, Fleegsauriers, Plesiosauriers un annere mit torekent.
De Klass Reptilia ut de traditschonelle bioloogsche Systematik is paraphyleetsch. Dat bedutt, se is as Grupp, de up gemeensome Vörwesers torüchgeiht, nich vullstännig. Dat liggt dor an, datt de Krokodile (un ehre Verwandten, de al utstorven sünd) vun de Afstammung her dichter bi de Vagels staht, as bi de annern hüdigen Reptilien. Gegen de Reptilien over sünd de Vagels in de traditschonelle Systematik as egen Taxon up lieke Hööchde neven de Reptilien stellt wurrn. Gegen düsse Inordnung over faat de Sauropsiden Reptilien un Vagels tohopen un stellt dor en monophyleetsche Grupp mit dor. All Deerter, de up gemeensome Vörwesers torüchgaht, sünd dormit tosamenfaat. Dor passt dat Taxon Sauropsida mit to en moderne Systematik, wo bloß monophyleetsche Taxa in gellen laten weert.
Man sunnerlich in wetenschoppliche Literatur over Paläontologie in Engelsche Spraken warrt jummers noch faken de Begreep „Reptilia“ bruukt, man denn as anner Naam for dat Taxon Sauropsida. Dor höört denn also de Vagels to de Reptilien mit to. [1]
Literatur
[ännern | Bornkood ännern]- Wolfgang Böhme, Martin Sander: Sauropsida. In: Wilfried Westheide, Reinhard Rieger (Rutg.): Spezielle Zoologie. Teil 2: Wirbel- oder Schädeltiere. 2. Uplage. Spektrum Akademischer Verlag, Berlin/Heidelbarg 2010, ISBN 978-3-8274-2039-8, S. 362–462.
Belege
[ännern | Bornkood ännern]- ↑ Sean P. Modesto, Jason S. Anderson: The Phylogenetic Definition of Reptilia. Systematic Biology. Bd. 53, Nr. 5, 2004, S. 815–821, (alternativen Vulltext: IUCN/SSC Tortoise and Freshwater Turtle Specialist Group PDF 552 kB).