Satanta

Vun Wikipedia
Zur Navigation springen Zur Suche springen
Hööftling Satanta

Satanta (* üm 1815; † (Sülvstmord) 1878) weer en Hööftling vun de Kiowa, de ok as Redner der Plains bekannt wurr

As Söhn vun Red Tepee, wat en beröhmt Kiowa-Schamane weer, hörr Satanta fröh to de Kaste vun Führungspersönlichkeiten in sien Stamm. Weil he ok noch good reden kunn un en klüftig Strateeg weer, wat he faken bi kriegerisch Aktschonen aber ok bi Verhandlungen bewiesen kunn, wurr he gau Hööftling un weer bi de Kiowa bannig good ansehn. Tüschen 1850 un 1874 weer he de Baas bi völ so nömmt Kiowa-Raids (plattdüütsch: Röövtüüch), bi de se Peer klauen, Siedler entführen oder Suldaten överfallen deen. Nahdem 1866 de Böverhööftling Dohasan storven weer, wurr he to’n Wortföhrer vun de Kriegsbefürworter in de Kiowa-Stamm. Up de anner Siet stunn de Hööftling Kicking Bird. Ok wenn he völ Krieg föhrt hett, wurr he vun Tiettüügen als apener Verhandlungspartner beschreven, de immer lächeln dee. Satanta hett sien Stamm ok anraden, ok tegen sien egen Ansichten, nah de Freedensverhandlungen vun Medicine Lodge 1867 in de vörsehn Reservatschon to trecken. Allerdings hett he all twee Johr later de Stamm upfordert, de Reservatschon weer to verlaaten un tegen de US-Armee to kämpen. In’ November 1874 hett he sück nah de Nedderlaag in de Palo Duro Canyon upgeven un wurr, wiel he tegen de Bewährungsuplagen vun sien eerste Haft (1871-1873) verstött harr, nochmals inhafteert. 1878 hett he sück sülvst umbrocht, in dem he up de Gefängnishoff sprungen is.

Weblenken[ännern | Bornkood ännern]

Satanta, Kiowa Hööftling