Saskia Luther

Saskia Luther (* 1958) is en düütsche Germanistin.

Luther is 1958 boren. Se hett op Lehramt Düütsch un Russ’sch an de Pädagoogsche Hoochschool Meideborg studeert un 1986 ehren Dokter maakt. Von 1989 bet 1996 weer se wetenschopliche Mitarbeiderin an dat Institut för Germanistik von de Pädagoogsche Hoochschool (siet 1993 Universität Meideborg) un is 1997 Referentin för Mundoortpleeg un -forschung bi’n Landsheimaatbund Sassen-Anholt worrn.

Vondaag (Stand 2020) arbeidt se as Dozentin an dat Institut för Germanistik an de Universität Meideborg.

Se is siet 2002 för Sassen-Anholt Maat von’n Bundesraat för Nedderdüütsch. Siet 2010 is se Viez-Sprekersche un siet 2017 Sprekersche von’n Bundesraat.