Samuel Kobia

Vun Wikipedia
Wesseln na: Navigatschoon, Söök

Samuel Kobia (* 20. März 1947 in Miathene, Kenia) is en Pastoor vun de Methodistische Kark in Kenia un siet Januar 2004 de Generalsekretär vun’n Ökumeenschen Raat vun de Karken.

Kobia hett op dat St.-Paul-College in Kenia Theologie studeert, hett 1972 en Diplom för Karkendeensten in’n städtischen Bereich vun dat Theoloogsche McCormick-Seminar in de USA un 1978 en Magister in Stadtplanung vun dat Institut för Technologie Massachusetts kregen. 1993 hett he op dat Christliche Theoloogsche Seminar in Indianapolis en Dokter in Theologie maakt. Vun de Universität vun Buenos Aires hett he in’n November 2004 den Ehrendokter kregen. Siet 2007 is he ok Kanzler vun de St.-Paul-Universität in Limuru.

He is Liddmaat vun dat Ehrenschutzkomitee vun de Internatschonale Koordinatschoon för de Dekaad för ene Kultur vun Freden un Gewaltlosigkeit för de Kinner vun de Welt (2001-2010).

In’n August 2003 hett em de Ökumeensche Raat vun de Karken as ne’en Generalsekretär wählt. He hett in’n Januar 2004 as Nafolger vun Konrad Raiser dat Amt antreden. För ene twete Amtstiet will he aver nich wedder antreden, wenn de eerste Enn 2008 utlöppt.

Kobia is verheiraadt un hett veer Kinner.

Weblenken[ännern | Bornkood ännern]