Samtgemeende Rehrn
| Wapen/Flagg | Koort | |
|---|---|---|
|
|
| |
| Basisdaten | ||
| Sitt: | Rehrn | |
| Landkreis: | Deefholt | |
| Flach: | 127,23 km² | |
| Inwahners: | 5993 (31. Dezember 2016) | |
| Geograafsche Laag: | 52° 36′ N, 8° 30′ O | |
| Gemeenslötel: | 03 2 51 5405 | |
| Tall Gemenen: | 5 | |
| SG-Börgermeester: | Hartmut Bloch | |
| Websteed: | www.rehden.de | |
| ||
De Samtgemeende Rehrn is en Samtgemeen in’n Landkreis Deefholt, in de sik fief Gemenen för’t Afwickeln vun de Verwaltenssaken tohopen slaten hebbt. Se hett 5993 Inwahners (Stand 31. Dezember 2016).
Geografie
[ännern | Bornkood ännern]De Samtgemeende Rehrn liggt in’n Süüden vun den Landkreis Deefholt un grenzt in’n Westen direkt an de Kreistadt Deefholt. In’n Noorden liggt de Samtgemeende Baanstrup, wieter na Oosten to de Samtgemeende Karkdörp. Direkt in’n Oosten liggt de Eenheitsgemeende Wagenfeld un na Süüden slutt sik de Samtgemeende Oolt Amt Lemförde an. De Samtgemeen liggt middenmang en schöne Moor- un Wooldlandschop, de vun Buerhöff mit jemehr landweertschopplichen Flächen ünnerbroken warrt.
Samtgemenenopdelen
[ännern | Bornkood ännern]To de Samtgemeende hett sik 1972 dör en freewilligen Tosamensluss billt. Dorto höört de (na’t Bookstaberen) de Gemenen:
Historie
[ännern | Bornkood ännern]Inwahnertall
[ännern | Bornkood ännern]| Johr | Inwahners[1] |
|---|---|
| 31. Dezember 1972 | 5.707 |
| 31. Dezember 1977 | 5.433 |
| 31. Dezember 1982 | 5.225 |
| 31. Dezember 1987 | 5.236 |
| 31. Dezember 1992 | 5.182 |
| 31. Dezember 1997 | 5.478 |
| 31. Dezember 2002 | 5.799 |
| 31. Dezember 2007 | 5.767 |
| 31. Dezember 2012 | 5.645 |
| 31. Dezember 2017 | 6.089 |
Politik
[ännern | Bornkood ännern]Samtgemeenderaat
[ännern | Bornkood ännern]De Samtgemeenderaat besteiht blangen den Samtgemeendebörgermeester ut veerteihn wählte Raatsliddmaten, de sik op verschedene Parteien un Wählergruppen verdeelt. De letzte Kommunalwahl weer an’n 10. September 2011:
| Partei | 2011 | 2006 |
| SPD | 5 | 4 |
| Wählergemeenschop Rehrn | 4 | 4 |
| Wählergemeenschop Wetschken | 2 | 3 |
| Wählergemeenschop Barver | 2 | 2 |
| Wählergemeenschop Hemzel | 1 | 1 |
| Wählergemeenschop Dickel | 1 | 1 |
| Börgerforum | 1 | 1 |
Kultur
[ännern | Bornkood ännern]Landschopplich sünd dat sünners de Hoochmoorflachen in’n Süüden vun de Samtgemeen, de schön antosehn sünd. Dat Rebeet is ok as Rehrner Geestmoor bekannt un steiht gröttstendeels ünner Natur- oder Landschopsschuul. In de Hoochmoorflachen sünd rore Vagel- un Platenorden antofinnen, so as Sünndau oder Wullgras.
De helen Wooldrebeden vun de Hemzeler un Dickeler Bargen ünnerbreekt de sonst eher flache Landschop. Nich wiet weg sünd de Nahverhaalrebedne vun de Stemweder Bargen, de Dümmer un de Dammer Bargen.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör de B 214 Lingen–Deefholt–Nienborg un de B 239 Rehrn–Wagenfeld–Hiarwede as ok mehrere Lands- un Kreisstraten is dat Rebeet vun de Samtgemeen goot an dat regionale Verkehrsnett anslaten. Över de B 214 besteiht an de Opfohrt 66 Hollrupp, in’n Landkreis Vechte, Ansluss an de A 1.
Dör de Samtgemeen verlöpt an de Gemenen Wetschke, Rehrn un Barver vörbi en Iesenbahnlien mit Göderverkehr (Deefholt–Sulingen). Se is dör regionale Ünnernehmen jümmer noch veel befohren.
Bildung
[ännern | Bornkood ännern]In Rehrn hett de Grunschool Rehrn ehrn Sitt, de in Barver un Wetschken Twiegsteden hett. In Rehrn is butendem en Böverschool inricht. Wietere Scholen gifft dat in de Stadt Deefholt, de ruchweg acht Kilometer wiet weg liggt. En Kinnergoorn gifft dat in Hemzel. En wieteren Kinnergoorn is 1996 in Rehrn in apenmaakt gahn.
Freetiet
[ännern | Bornkood ännern]In de Samtgemeen Rehrn gifft dat verschedene Sportplätz, Turnhallen, Scheetsportanlagen, Tennisplätz un Grillhütten.
Footnoten
[ännern | Bornkood ännern]Weblenken
[ännern | Bornkood ännern]
Samtgemeende Rehrn. Mehr Biller, Videos oder Audiodateien to’t Thema gifft dat bi Wikimedia Commons.
- Websteed von de Samtgemeen (hoochdüütsch)