Samtgemeen Thänhusen (1966–1972)
| Wapen/Flagg | Koort | |
|---|---|---|
|
|
| |
| Basisdaten | ||
| Sitt: | Thänhusen | |
| Landkreis: | Bruunswiek | |
| Flach: | 35,56 km² | |
| Inwahners: | 3.135 (31. Dezember 1966) | |
| Inwahnerdicht: | 88,2 Inwahners pro km² | |
| Geograafsche Laag: | 52° 58′ N, 9° 1′ O | |
| Tall Gemenen: | 7 | |
De Samtgemeen Thänhusen (hoochdüütsch Samtgemeinde Thedinghausen) weer en Rebeetsverband in’n Landkreis Bruunswiek. Se leeg in de Exklaav Thänhusen, de üm un bi 150 Kilometer weg in’n Noordoosten von Bruunswiek weer. De Samtgemeen is to’n 1. Januar 1966 ut de söven Gemenen Ahsen-Oetzen, Dibbelsen-Dönnerstäen, Eißel, Holtdörp-Lunsen, Hostäe, Thänhusen un Werder billt worrn.
De Samtgemeen harr en Samtgemeenutschuss mit söss Maten. Dat Raadhuus leeg in de Poststraat in Thänhusen.
Mit de Kommunalreform von’n 1. Juli 1972 is de Samtgemeen denn wedder oplööst worrn. De Gemenen hebbt sik to de Gemeen Thänhusen binnen de ne’e, düüdlich gröttere Samtgemeen Thänhusen tohoopdaan. Blots Ahsen-Oetzen is Deel von de Gemeen Morsen worrn. Dat Rebeed is dorbi von’n Landkreis Bruunswiek an’n Landkreis Veern wesselt.
Samtgemeenbörgermeesters
[ännern | Bornkood ännern]- ~1971: Cordes
Samtgemeendirekters
[ännern | Bornkood ännern]- –30. Juni 1972: Heinrich Busch