Samtgemeen Sürsen
Dit Woort hett noch annere Bedüden: kiek dorför ünner Samtgemeen Sürsen (1965–1974).
| Wapen/Flagg | Koort | |
|---|---|---|
|
|
| |
| Basisdaten | ||
| Sitt: | Sürsen | |
| Landkreis: | Rodenborg (Wümm) | |
| Flach: | 226,34 km² | |
| Inwahners: | 9877 (31. Dezember 2016) | |
| Geograafsche Laag: | 53° 22′ N, 9° 13′ O | |
| Gemeenslötel: | 03 3 57 5404 | |
| Tall Gemenen: | 8 | |
| SG-Börgermeester: | Gerhard Kahrs (CDU) | |
| Websteed: | www.selsingen.de | |
 | ||
De Samtgemeen Sürsen (hoochdüütsch: Selsingen) is en Samtgemeen in’n Landkreis Rodenborg (Wümm), in de sik acht Gemenen för de Afwickeln vun de Verwaltenssaken tohopen slaten hebbt. Se hett 9877 Inwahners (Stand 31. Dezember 2016).
Historie
[ännern | Bornkood ännern]De hüdige Samtgemeen is 1974 mit de Kommunalreform in Neddersassen grünnt worrn. Vörher harr dat al siet 1965 en lüttjere Samtgemeen Sürsen geven.
Inwahnertall
[ännern | Bornkood ännern]| Johr | Inwahners[1] |
|---|---|
| 31. Dezember 1972 | 8.087 |
| 31. Dezember 1977 | 8.016 |
| 31. Dezember 1982 | 7.946 |
| 31. Dezember 1987 | 8.154 |
| 31. Dezember 1992 | 8.318 |
| 31. Dezember 1997 | 8.889 |
| 31. Dezember 2002 | 9.088 |
| 31. Dezember 2007 | 9.445 |
| 31. Dezember 2012 | 9.516 |
| 31. Dezember 2017 | 9.653 |
Geologie
[ännern | Bornkood ännern]En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.
Geografie
[ännern | Bornkood ännern]De Samtgemeen Sürsen liggt in de nöördliche Hälft vun den Landkreis un warrt na Noordwesten hen vun de Eenheitsgemenen Bremervöör un Gnarrenborg begrenzt, In Süüdwesten slutt sik de Samtgemeen Tarms un in’n Süüdoosten de Samtgemeen Zeven an. In’n Noordoosten grenzt de Samtgemenen Freenbeek un Harsfeld an, de beid to’n Landkreis Stood höört.
Samtgemenenopdelen
[ännern | Bornkood ännern]To de Samtgemeen höört disse Gemenen (na’t Bookstaveren):
Politik
[ännern | Bornkood ännern]Samtgemeenraat
[ännern | Bornkood ännern]De Sürsenser Samtgemeenraat besteiht vundaag neven den Samtgemeenbörgermeester ut veeruntwintig wählte Raatsliddmaten. De letzte Kommunalwahl weer an’n 11. September 2011:
| Partei | 2016 | 2011 | 2006 |
| CDU | 15 | 15 | 19 |
| SPD | 6 | 7 | 6 |
| WFB | 3 | 2 | 1 |
Samtgemeenbörgermeesters
[ännern | Bornkood ännern]Dat Amt von’n Samtgemeenbörgermeester weer bet to dat Enn von de Tweegleisigkeit 2006 ehrenamtlich. Siet 2006 is de Börgermeester in’t Hauptamt för de Verwaltung von de Samtgemeen tostännig.
- 1974–1991: Detlef Hesse
- 1991–1993: Hans-Hermann Brandt (CDU)
- 1993–2001: Hans Knicker
- 2001–2006: Hans-Hermann Brandt (CDU)
- 2006–30. Juni 2011: Werner Borchers (CDU/WFB)
- 15. September 2011–31. Oktober 2016: Hans-Hinrich Pape (CDU)
- 1. November 2016–: Gerhard Kahrs (CDU)
Na dat Enn von siene Amtstied 2006 is Hans-Hermann Brandt Ehrensamtgemeenbörgermeester von Sürsen worrn.
Samtgemeendirekters
[ännern | Bornkood ännern]Dat Amt von’n Samtgemeendirekter is 2006 mit dat Enn von de Tweegleisigkeit in dat Amt von’n hauptamtlichen Samtgemeenbörgermeester opgahn.
- 1974–1994: Helmut Claus
- 1994–2006: Werner Borchers
Wapen
[ännern | Bornkood ännern]Dat Sürsener Wapen wiest en blaue Pyramid op Sülver. De Pyramid wiest op dat Wapen vun de Seetgemeen Sürsen, de sülvst en root Pyramid in’t Wapen hett. Se is dat Teken för de Gerichtssteed in’n Hoff vun den Adelsseet vun de Ridders vun Sürsen. Op de Pyramid is en Möhlenrad mit acht Speken un eenuntwintig Schüffeln. Dat Rad wiest dorop hen, dat in söss un de acht Liddmatengemenen Möhlen weern oder noch sünd, tohopen negen Möhlen, dorvun veer Watermöhlen. As Teken vun de Verbunnenheit binnen de Samtgemeen staht de acht Speken för de acht Gemenen de in de Samtgemeen vereenigt sünd. De Schüffeln staht vör de ehmols 21 sülvststännigen Gemenen, in de Samtgemeen Sürsen.
Footnoten
[ännern | Bornkood ännern]Websteden
[ännern | Bornkood ännern]- Websteed vun de Samtgemeen Sürsen (hoochdüütsch)
