Russisch Verteidigung

De Grundstellung vun de Russisch Verteidigung nah 2. Sf6

Bi de Russisch Verteidigung (af un to ok Petrow-Verteidigung nöömt) hannelt sück dat um en Anspeel vun dat Schachspeel; se tellt to de Apen Spelen un wurrd ünner de ECO-Nr. C42+C43 führt.

De Russisch Verteidigung fangt an mit de Tüüg:

1. e2–e4 e7–e5

2. Sg1–f3 Sg8–f6

Nah 3. Sb1–c3 kann se över dat Dreespringerspeel in dat Veerspringerspeel övergahn. Nah 3. Lf1–c4 ergeven sück Varianten vun dat Löperspeel un – wenn Swaart 3. … Sc6 treckt – vun dat Tweespringerspiel in’n Nahtrecken.

Achtergrund

De Russisch Verteidigung wurr nah de beid russisch Schachmeestern Petrow (1794–1867) un Jänisch (1813–1872) nöömt. Disse hemm as eerste en nipp un nau Ünnersöken vun dit Anspeel maakt.

De Russisch Verteidigung gellt all immer as solide, dwingt aber den Swaarten in völ Afspelen to en groot Nauigkeit. Se is aber dör hör groot Beleevtheit in de aktuell Weltspitze ok all wiet utanalyseert un hörrt bispeelswies to dat Standardrepertoire vun Wladimir Kramnik, Michael Adams, Viswanathan Anand un weer – in de sien aktiv Tiet – en vun de Hööftwappen vun den langjohrigen Schachweltmeester Anatoli Karpow.

Hööftvarianten

• Dat sück anbeeden 3. Sf3xe5 (ECO-Code C42) is dat Klassische System vun de Russisch Verteidigung. De Tüschentoog 3. … d7–d6 (dat seltene 3. … Sb8–c6 wiurrd as Stafford-Gambit betekent) führt nah 4. Se5–f3 Sf6xe4 faken wieder to 5. d2–d4 d6–d5 6. Lf1–d3 Lf8–e7 (Swaart umgeiht en potentielle Fesselung vun sien Springer up e4. För den Löper staht later je nah Situatschoon de Felder f6 oder h4 to Verfügung. Alternativ, wenn ok riskanter wiel scharper is 6. … Lf8–d6 speelbar.) 7. 0–0 Sb8–c6. 8. c2–c4 Sc6–b4 9. Ld3–e2 0–0 10. a2–a3 oder 8. Tf1–e1 Lc8–g4 9. c2–c4 bringt Probleme för den Springer up e4.

Af dat Johr 2000 wurrd meestens 5. Sb1–c3 speelt. Disse Variante hett den Vördeel, dat Witt nah 5. … Se4xc3 6. d2xc3 free Figurenspeel för den Düppelbuur kriggt un gau den Zentraalliens mit sien Swoorfiguren besetten kann. Witt sull sien Springer nah d4 platzeeren, aber vörher Lf4 spelen, wiel Schwarz den aggressiven Springer nah Dd2 un 0–0–0 denn nich mehr mit den c-Buurn verdrieven kann, sonnern sien Springer eerst nah e6 wannern laaten muss. Witt hemmt dordör den swaarten Buurnkomplex c7/d6. 6. … Lf8–e7 7. Lc1–f4 0–0 8. Dd1–d2 Sb8–d7 9. 0–0–0 Sd7–c5 10. Sf3–d4 beschrifft dat. 7. Lc1–e3 0–0 8. Dd1–d2 Sb8–d7 9. 0–0–0 Sd7–e5 10. h2–h4 orieneiert up witten Buurnstorm an’n Königsflögel.

Dat Cochrane-Gambit nah 5. d2–d4

• Originell, wenn ok tweesniedig, is dat vun John Cochrane inführt un vun Dawid Bronstein as ok Alvis Vītoliņš wieder entwickelt Gambit 3. Sf3xe5 d7–d6 4. Se5xf7 Ke8xf7 5. d2–d4. Witt kriggt för den Materialverlust (Springer gegen twee Buurn) de Initiative in dat Zentrum un Angrieputsichten wegen de ungünstig Königsstellung vun Swaart.

• Dat vun Wilhelm Steinitz inführt 3. d2–d4 (ECO-Code C43) hett de Antworten 3. … Sf6xe4 4. Lf1–d3 d7–d5 5. Sf3xe5 Lf8–d6 6. 0–0 0–0 und 3. … e5xd4 4. e4–e5 Sf6–e4 5. Dd1xd4 d7–d5 6. e5xd6 Se4xd6.

• 3. Lf1–c4 Sf6xe4 4. Sb1–c3 is dat nah Lionel Kieseritzky un Samuel Standidge Boden nöömt Boden-Kieseritzky-Gambit. 4. … Se4xc3 5. d2xc3 f7–f6 nimmt dat Boden-Kieseritzky-Gambit an. Wiederes 6. Sf3–h4 g7–g6 7. f2–f4 Dd8–e7 8. f4–f5 De7–g7 9. Dd1–g4 Ke8–d8 dringt nich dör. Eenfacher is aber 4. … Sc6! mit Övergang in dat Italieensch Veerspringerspeel. Denn bi de nachträglichen Annahm vun dat Boden-Kieseritzky-Gambit nah 5. 0–0 Se4xc3 6. d2xc3 is nu de swaart Buur e5 deckt un man kann Sg5 dör 6. … Lf8–e7 afwehren.

Anspeelfallen

De fröh Rinfall: Daamgewinn nah 5. Se5–c6+

Disse typische Anspeelfall führt to en fröh Partieverlust:

3. Sf3xe5 Sf6xe4?!

4. Dd1–e2 Se4–f6??

denn nah 5. Se5–c6+ moot Swaart sien Daam geven. De richtige Toog is 4. … Dd8–e7. Nah 5. De2xe4 d7–d6 6. d2–d4 dxe5 deiht Swaart den Springer up Kösöten vun en Buur torüchwinnen. Disse Variante – dat so nöömt Damiano-Gambit – gellt as riskant, wurrd aber trotzdem vun eenig starken Spelern bruukt. To de Experten vun dit Anspeel tellen de öösterrieksche Internatschonaler Meester Friedrich Volkmann un Wladimir Afromejew.

Literatur

• Artur Jussupow: Die Russische Verteidigung. Erfolgreiche Eröffnungstheorie für die Praxis. Edition Olms, Zürich 1998, ISBN 3-283-00273-8.
• Lasha Janjgava: The Petroff defence. Gambit, London 2004, ISBN 1-901983-46-3.
• Vasilios Kotronias, Andreas Tzermiadianos: Beating the Petroff. Batsford, London 2004, ISBN 0-7134-8919-7.
• Alexander Raetsky, Maxim Chetverik: Petroff defence. Gloucester, London 2005, ISBN 1-85744-378-0.