Rundholt

Rundholt (pl. Rundhölter) heit’n dat Holt vun de Boomstämm, de twors daalmakt, aber noch nich wieder vearbeet sünn. De Beteikend Rundholt nimmt’n ers her, wenn dat Holt een gewissen Dörchmeter hett, dat heet, Twiegwark höört nich dorto. Dat Rundholt ward in’n Busch to’n ersten Afdrögen op’n Polter leggt un denn na de Saagmöhl to’n wieder verarbeen bröcht. Dor ward ut dat Rundholt denn Kanthölter, Balken, Breed usw. Wenn ut dat, mehrstens nich grade Rundholt, runde Hölter dreiht ward, to’n Bispeel för Stroommasten, denn seggt’n dortau ok Rundholt.