Rudolf Christian
Rudolf Christian (* 25. Juni 1602; † 16. April 1628 in Berum) weer van 1625 bit 1628 Graf vun Oostfreesland ut dat Huus Cirksena. In sien Regeerenstiet fallen de Anfang vun de Fehnkultur un dat Oostfreesland as Rücktoogsrebeet un Quartier vun utlännsch Truppen, de an den Dartigjohrigen Krieg bedeeligt weern, herhollen muss, mit all de dorut stammen Gruveleen.
He weer de tweete Söhn vun Enno III. ut de sien tweet Ehe mit Anna vun Sleswig-Holsteen-Gottorp un wurr as öldst överlevend Söhn nah de sien Dood 1625 Graf vun Oostfreesland. He hett den Utgliek mit de Ständen henkreegen, de hüm doruphen nah un nah huldigt hemm, up letzt sorgo de Stadt Emden. Ünner sien Führung wurr dat Harlingerland endgültig in de Grafschap Ostfreesland ingledert. Dat wurr ünnermüert dör dat bit to dat Enn’n vun de Grafschap 1744 gültigen sösschildrigen oostfreesch Wappen, dat ünner sien Herrschap 1625 inführt wurr.
He is mit man blots 26 Johren an en Steek in dat linke Oog storven, de he bi en Striet vun en Lieutenant vun den in Berum inquarteert kaiserlichen General Gallas up de Borg kreeg. He weer to disse Tiet mit en bronswieksch Prinzessin verlobt.
Wiel Rudolf Christian ahn Kinner bleev, is hüm sien Bröer Ulrich II. as Graf vun Oostfriesland nahfolgt.
Literatur un Borns
[ännern | Bornkood ännern]- Ernst Esselborn: Das Geschlecht Cirksena. Die Häuptlinge, Grafen und Fürsten von Ostfriesland. s. n., Berlin 1945.
- H. Reimers: Ostfriesland bis zum Aussterben seines Fürstenhauses. Friesen-Verlag, Bremen 1925 (Nachdruck. Sändig, Vaduz 1991).
- Martin Tielke (Hrsg.): Biographisches Lexikon für Ostfriesland. 4 Bände. Ostfriesische Landschaftliche Verlags- und Vertriebsgesellschaft, Aurich 1993–1997, ISBN 3-925365-75-3 (Bd. 1), ISBN 3-932206-00-2 (Bd. 2), ISBN 3-932206-22-3 (Bd. 3). (online)