Roy Jay Glauber

Vun Wikipedia
Glauber bi dat Lindauer Nobelpriesdrägerdrapen 2012

Roy Jay Glauber (* 1. September 1925 in New York, NY, USA; † 26. Dezember 2018) weer en US-amerikaansch Physiker. He is Mallinckrodt Professor of Physics an de Harvard-Universität un kreeg 2005 den Nobelpries för Physik.

Leven[ännern | Bornkood ännern]

Glauber hett de High School in New York as en vun de eersten an de 1939 grünndBronx High School of Science, en berühmt apenlich Eliteschool, afslooten. 1940 wunn he mit Fotos, de he dör sülvst baut Teleskope un Spektroskope schaaten harr, en Wetenschapspries för Schöler vun de Westinghouse Corporation, un ok mit sien sülvst baut Spektroskopen wunn he 1939 Priesen. Buterdem weer he in de 1930er Johren in Dorothy Bennett hör „Junior Astronomy Club“ aktiv, de dat New Yorker Planetarium angleedert weer. Nah sien Schoolabsluss 1941 studeer he an de Harvard-Universität in Cambridge, Massachusetts. In' Tweeten Weltkrieg weer he Mitarbeiter in de theoretisch Afdeelen an dat Manhattan-Projekt, wo he sück mit de neuere Bereeken vun kritisch Massen befaaten dee. In Harvard hett he 1946 sien Bachelor-Afsluss maakt un hett 1949 bi Julian Seymour Schwinger över en Thema vun de Quantenfeldtheorie sien Doktertitel kreegen. Dornah weer he an dat Institute for Advanced Study un in Zürich bi Wolfgang Pauli, bevör he up Vermiddeln vun Robert Oppenheimer sien eerste Lehrpositschoon an dat Caltech in Pasadena kreeg as Vertreder för Richard Phillips Feynman, de een Johr nah Brasilien gung. In de Mitarbeit an de dortig Forschungsgrupp um Linus Carl Pauling wurr sien Interesse an de Streetheorie waak. Af Enn' vun de 1950er Johren hett he sück tonehmend mit de Physik vun de dormals nee entwickelten Maser un Laser befaat. Siet 1976 is he Perfesser in Harvard un siet 1988 Perfesser vun de optischen Fakultät an de University of Arizona. Glauber weer wiels sien Karriere ünner annern Gastperfesser bzw. Perfesser an' CERN, an de Universität Leiden un an dat Collège de France in Paris.

He is siet 1961 Liddmaat vun de American Academy of Arts and Sciences un siet 1988 vun de National Academy of Sciences.

He hett 1960 heiraadt. Ut de Ehe stammen twee Kinner.

Wirken[ännern | Bornkood ännern]

Roy Jay Glauber forscht up dat Rebeet vun de Quantenoptik. He hett ünner annern de Physik vun de kohärenter Strahlung utforscht, wo he en Formel för kohärente Tostännen entwickelt hett, de hüm to Ehren ok Glauber-Zostände nömmt wurrn. Wiederhen hett he sück mit de Streen vun hoochenergetisch Deelken, to'n Bispeel vun Hadronen an Karns befaat, bi de de Wellenlängt vun de street Deelken lüttger is as de Recktwiet vun de Wesselwirkung, ähnlich Buugensphänomenen in de Optik, blots mit den Insluss vun inelastisch Streen (Glauber-Theorie).

2005 kreeg he de Hälft vun den Physiknobelpries tospraaken, wiels de anner Hälft an John Lewis Hall un Theodor Hänsch gung. 1996 kreeg he den Dannie-Heineman-Pries für mathematische Physik.

Böker[ännern | Bornkood ännern]

  • Quantum Theory of Optical Coherence: Selected Papers and Lectures. Wiley-VCH, Weinheim 2007. ISBN 978-3527406876
  • The Quantum Theory of Optical Coherence Phys. Rev. 130, 2529–2539 (1963)
  • Theory of high energy hadron-nucleus collisions. 3. International Conference of High Energy Physics and Nuclear Structure 1969. S.207

Weblenken[ännern | Bornkood ännern]

Roy J. Glauber. Mehr Biller, Videos oder Audiodateien to’t Thema gifft dat bi Wikimedia Commons.