Roland vun Halslä
De Roland vun Halslä is en Roland in de Stadt Halslä.
He steiht vör dat Raathuus vun de Stadt un is de eenzige Roland, de ritt. Fröher kunn een den Roland op sien Sockel ok dreihn.
In de Stadtböker kummt he 1419 toeerst vör. Lüüdsnack hett dat, dat de Statue toeerst in Hehlingen stahn hett un dat de Lüüd vun Halslä em denn dor weghaalt un bi sik opstellt hebbt. De Roland is denn ünnergahn un 1528 neet opstellt worrn, villicht vun wegen dat Marktprivileg vun 1526. De ne’e Roland weer nu vun Steen. Bet 1927 harr de Rieder so veel dör Wind un Weder afkregen, dat se en Kopie ut Kalksteen opstellt hebbt. Dat Original steiht nu in dat Stadtmuseum. Harnisch un Barett vun’n Roland höört vun’n Stil in de Renaissance.
Dat is nich unwohrschienlich, dat se in Halslä mit’n Roland en beten na dat Utsehn vun’n Rieder vun Madeborg keken hebbt. Vörbild weren villicht ok de Dorstellungen vun Maximilian I. ut de Tiet.
Literatur
[ännern | Bornkood ännern]- Folkhard Cremer in Dehio, Handbuch der deutschen Kunstdenkmäler, Sachsen-Anhalt I, Regierungsbezirk Magdeburg, Deutscher Kunstverlag München Berlin 2002, ISBN 3-422-03069-7, Siet 356
Koordinaten:52° 17′ N, 11° 25′ O