Roger Piantoni
Roger Piantoni (* 26. Dezember 1931 in Étain, Département Meuse; † 26. Mai 2018 in Nancy) weer en franzöösch Footballspeler.
De Halfstörmer speel van 1941 bit 1949 för ES Piennes un dornah bit 1957 för FC Nancy. Nahdem FC Nancy kein grooten Spood mehr harr un sogor afstiegen dee, wessel Piantoni to Stade Reims, mit den he denn ok Meester un Pokalsieger wurr. 1964 muss aber ok disse Vereen afstiegen un Piantoni is to OGC Nizza wesselt, wo he denn 1966 sien Loopbahn afsluuten dee.
För de franzöösch Natschonalmannschap hett he in de Johren 1952 bit 1961 37 Lännerspelen maakt und orbi 19 Doren schaaten. He nehm ok an de Football-Weltmeesterschap 1958 deel un hett dor ok dree Doren schaaten. He harmoneer besünners goot mit Raymond Kopa, mit de aber nie nich in en Vereen tosommen speelt hett.
Nah sien Loopbahn hett he en Sportartikelgeschäft führt.
Borns
[ännern | Bornkood ännern]- Bernd Rohr, Günter Simon: Fußball-Lexikon, 2004 Copress Verlag, ISBN 3-7679-0829-8