Robert Meibauer

Vun Wikipedia

Robert Meibauer (* 27. November 1833 in Nelep; † 9. April 1897 in Berlin) weer en düütschen Jurist un Politiker.

Meibauer is 1833 in Nelep boren un weer von 1849 bet 1853 op dat Gymnasium Köslin. He hett dree Johr Juristeree an de Universität Berlin studeert. As Student is he 1854 Maat von de Burschenschaft Normannia Berlin worrn. Von 1862 af an weer he Avkaat un Notar in Polzin. 1871 is he as Avkaat un Notar in Dramburg worrn un 1879 in Berlin. In Polzin un Dramburg weer he ok Stadtverornten un Stadtverornten-Vörsteiher. As Offzeer weer he 1866 bi’n Düütschen Krieg un 1870/1871 bi’n Düütsch-Franzööschen Krieg dorbi un is mit’n Kronenorden mit Sweerter, dat Ieserne Krüüz un de Landwehr-Deenstutteeknung I. Klass uttekent worrn.

Von 1881 bet 1887 weer he Maat von’n Düütschen Rieksdag. Bi de Wahl 1881 is he för de Düütsche Foortschriddspartei in’n Wahlkreis Ollnborg 1 wählt worrn un bi de Wahl 1884 för de Düütsche Freesinnige Partei in’n Wahlkreis Meideborg 1.[1]

Bi de Wahl 1882 to dat Prüüßsche Aforntenhuus hett he in’n Wahlkreis Hannover 34 9,8 % von de Stimmen kregen un kunn sik dormit nich gegen Johann Mahlstedt dörsetten. Gliektiedig weer he Kannedaat in’n Wahlkreis Potsdam 3 un kunn sik mit 17,1 % von de Stimmen ok hier nich dörsetten. Bi de Wahl 1885 weer he Kannedaat in’n Wahlkreis Meideborg 1, kunn sik mit 2,2 % von de Stimmen aver nich gegen Jacob von Gerlach dörsetten.

Literatur[ännern | Bornkood ännern]

  • Helge Dvorak: Biographisches Lexikon der Deutschen Burschenschaft. Bd. 1, Teilbd. 8, Supplement L–Z. Winter, Heidelberg 2014, ISBN 978-3-8253-6051-1, S. 76.

Footnoten[ännern | Bornkood ännern]

  1. Fritz Specht, Paul Schwabe: Die Reichstagswahlen von 1867 bis 1903. Eine Statistik der Reichstagswahlen nebst den Programmen der Parteien und einem Verzeichnis der gewählten Abgeordneten. 2. Oplaag, Verlag Carl Heymann, Berlin 1904, Sied 276