Robert Emerson Lucas

Vun Wikipedia
Zur Navigation springen Zur Suche springen

Robert Emerson Lucas Jr. (* 15. September 1937 in Yakima, Washington) is en US-amerikaansch Ökonom. Hüm wurr 1995 de Nobelpries för Wertschapswetenschapen tospraaken. He wurr ünner annern bekannt dör de nah hüm nöömt Lucas-Kritik. Lucas is in de Ideengeschichte vun de Volkswertschapslehre de Nee Klassische Makroökonomik totoordnen.

Leven[ännern | Bornkood ännern]

Lucas hett an de University of Chicago studeert un dor 1959 sien Bachelor in Geschichte un 1968 sien Doktertitel in Wertschapswetenschapen maakt. Dornah hett he bit 1975 an de Graduate School of Industrial Administration (hüüd Tepper School of Business) vun de Carnegie Mellon University lehrt, bevör he Perfesser in Chicago wurr.

Lucas sien ehmalge Ehefru harr 1988 in de Scheedungspapeeren fastleggt, dat se in’n Fall vun en Nobelpries för hör Mann binnverhalv de nächst söben Johr de Hälft vun dat Geld kriegen sull. Lucas hett disse Afmaaken mit sien Fru dormit kommenteert,, dat afmaakt eben afmaakt weer. Lucas is mit de Ökonomin Nancy Stokey verheiraadt.

2002 stunn Lucas de American Economic Association as wählt Präsident vör.[1] He is buterdem siet 1980 Liddmaat vun de American Academy of Arts and Sciences, siet 1981 vun de National Academy of Sciences un siet 1997 Liddmaat vun de American Philosophical Society.

Wirken[ännern | Bornkood ännern]

Lucas kreeg 1995 för de vun hüm up de Makroökonomik anwennd Theorie vun de ratschonale Verwachten den Nobelpries för Wertschapswetenschapen. Dorbi greep he Ideen vun John Fraser Muth up, de de Theorie oorsprünglich för de Mikroökonomik entwickelt harr. Dat Lucas-Paradoxon besteiht in de Fraag, worum nich mehr Kapital vun Länner mit entwickelter Wertschap in Entwicklungslänner flooten deiht, ofschons dit nah de klassisch Theorie passeeren sull, wiel dor dat insett Kapital pro Arbeitskraft minner is.

Schriften (Utwahl)[ännern | Bornkood ännern]

  • Expectations and the Neutrality of Money, Journal of Economic Theory, Band 4, 1972, S. 103–124
  • Econometric Policy Evaluation: A Critique, Carnegie-Rochester Conference Series on Public Policy, Band 1, 1976, S. 19–46
  • On the Mechanics of Economic Development, Journal of Monetary Economics, Band 22, 1988, S. 3–42
  • Why Doesn't Capital Flow from Rich to Poor Countries, American Economic Review, Band 80, 1990, S. 92–96
  • Studies in Business-Cycle Theory, MIT Press, 1981
  • Monetary Neutrality, Nobel Lecture 1995
  • mit Nancy Laura Stokey, Edward Christian Prescott: Recursive Methods in Economic Dynamics. Harvard University Press, 1989

Weblinks[ännern | Bornkood ännern]

Enkeld Nahwiesen[ännern | Bornkood ännern]

  1. Past and Present Officers. aeaweb.org (American Economic Association), afropen an’n 21. Oktober 2015 (engelsch).