Roald Aas

Aas, 1955.

Roald Edgar Aas (* 25. März 1928 in Oslo; † 18. Februar 2012) weer en norweegsch Iesflinklöper.

Aas weer as Iesflinklöper up de 1500 m besünners good. Bi de Olympisch Winterspelen 1952 in sien Heimatstadt Oslo wunn he över disse Streck mit 2:21,6 min de Bronzemedaille. Veer Johr later in Cortina d'Ampezzo kunn he kien Medaillen winnen. Över 1500 m keem he in 2:12,9 min Blots up Platz 10 un över 5000 m in 8:01,6 min up Platz 6. Aber he wurr in dat sülvig Johr in Hamar dat eenzig Mal in sien Karriere norweegsch Landsmeester in’t Iesflinkloop. In’ wiederen Johresverloop wunn he de norweegsch Meesterschapen in’t Radrennen up de Straat un up de Bahn. För dissen Spood in mehreren Sportoorten binnerhalv vun en Johr kreeg he 1956 den Egebergs Ærespris. .

Ok bi internatschonalen Mehrkampsmeesterschapen kunn Aas mehrere Medaillen winnen. Bi de Mehrkampsweltmeesterschap 1958 in Helsinki wunn he de Bronzemedaille un ddormit de eenzig Weltmeesterschapsmedaille. Ok bi de Mehrkampseuropameesterschapen 1957 und 1960 beid in Oslos wunn he jeweils en Bronzemedaille.

Bi de Olympisch Winterspelen 1960 in Squaw Valley kunn Aas sien gröttsten Spood fieren. Gemeensam mit den tietglieken Jewgeni Grischin wurr he in 2:10,4 min Olympiasieger över 1.500 m. Todem keem he up Platz 25 över 5000 m un Platz 23. Platz över 10.000 m.

Aas hett all tosommen negen Bahnrekorde upstellen.

Nah Beendigung vun sien Sportkarriere weer he as Lagerleiter för en Teenbösselhersteller tätig.

Weblenken

• Roald Aas in de Datenbank vun Sportsreference.com (engelsch)
• Statistiken bi Speedskatingnews