Richard Reinhard Emil Schorr
| (869) Mellena | 9. Mai 1917 |
| (1240) Centenaria | 5. Februar 1932 |
Richard Reinhard Emil Schorr (* 20. August 1867 in Kassel; † 21. September 1951 in Bad Gastein, Öösterriek) weer en düütsch Astronom.
Schorr hett in Berlin un München studeert un hett 1889 en Anstellung as Assistent in de Redaktschoon vun de Astronoomsche Nahrichten in Kiel kregen. Twee Johr later is he as Assistent an de Steernwacht Karlrsuhe gahn un en lütt Sett later an dat Astronoomsch Rekeninstitut in Berlin.
1892 hett Georg Rümker hüm as Observator nah Hamborg holt. Schorr hett denn ok dat Ümtrekken vun dat Observatorium nah Hamborg-Bergedorf to'n Ennen föhrt, nahdem Rümker dat wegen sien Krankheit nich mehr kunn.
Offiziell is Richard Schorr 1902 to'n Direkter vun de Steernwacht Hamburg-Bergedorf ernennt wurrn, wo wo he ünner annern twee Asteroiden opdeckt hett. 1919 is he Professer an de Universität Hamborg wurrn.
In Anerkennung vun sien Arbeit is nah hümm de Asteroid (1235) Schorria nömmt wurrn; sien Fru weer Namensgeberin fär de Asteroid (725) Amanda. Ok de Komet D/1918 W1 (Schorr) is nah hüm nömmt wurrn.
He gellt ok as Entdecker vun Bernhard Woldemar Schmidt. Den eestnisch Optiker kunn he as free Mitarbeiter winnen. Schmidt kreeg en eegen Warkstee in Hamborg un weer nahst Utfinner vun de Schmidt-Spegel, en komafree Spegelteleskop.
Warken
[ännern | Bornkood ännern]- 1923: Eigenbewegungslexikon
- 1928: Index der Sternörter 1900 bis 1925 (Twee Banden)