Rekkared II.

Rekkared II. († März 621) weer König vun de Westgoten in'n Februar un März 621. He weer de Söhn vun Sisebut, de in'n Februar 621 storven is un folg em na up den Throon. As he König wurrn is, weer he noch en Kind un he is al en paar Dage later, in'n März 621, sülms storven. In de List vun de Westgoten ehre Königen steiht, dat he een Johr, twee Maande un tein Dage König ween weer. Dat is dor dör to verklaren, dat em sien Vadder al to Leeftieden to'n „Mitkönig“ maakt harr. He woll em dor den Throon mit sekern. As Rekkared II. storven weer, weer klaar, dat ut Sisebut sien Versöök, en Königshuus to grünnen, nix wurrn weer.